Lífið í Leuven

18. Desember 2008

2008-12-18T22:11:00.003Z

Nú er komið að síðasta blogginu mínu héðan frá Leuven í bili. Ef ég þekki mig rétt mun ég þó vera afar dugleg að blogga í prófunum eftir jól.

Ég ákvað síðasta mánudag að ég væri komin í jólafrí og hef því ekki litið í bók alla vikuna, bara verið leika mér og súpa ýmisst kaffi eða eitthvað sterkara með vinum mínum. Á mánudaginn var fór ég þó í lokapróf í flæmsku, munnlegt um morguninn og skriflegt um kvöldið, kemur í ljós á morgun hvernig fór.

Síðustu vikur er ég búin að þræða ansi marga jólamarkaði og bragða ansi margar tegundir af glujwijni eins og þeir kalla það hér, ansi hreint jóló þó ekki sé snjónum fyrir að fara.

Fór til Köln síðustu helgi í smá heimsókn, mjög jóló og ótrúlega mikið af fólki allsstaðar.

Á morgun er ég svo að fara að skauta í skautahöllinni og svo ætlum við að elda saman og fara svo út í síðasta skiptið.

Á laugardaginn fer ég svo til Leiden til Ástu, gisti hjá henni eina nótt og svo verðum við samfó til Íslands.

Hlakka ótrúlega mikið til að sjá ykkur öll.

Jólakveðja

-Hildur-

2008-12-09T19:36:00.002Z

Jæja nú fer þessi dvöl mín hér senn á enda á bara eftir tæpar tvær vikur. Ennþá togast í mér bæði tilhlökkun og eftirsjá. Tilhlökkunin er þó orðin gífurlega mikil að koma heim og hitta alla og eiga quality time með öllum. Hlakka enstaklega til að fá góðan mat. Annars á ég eftir að gera alveg heilan helling. Ég á að halda fyrirlestur á fimmtudaginn, á eftir að skrifa eina analíseringu á european foreign policy og eina skýrslu um stöðuna í Kosovo.
Ég fékk prófatöfluna mína í gær og varð gífurlega stressuð, þurfti að fara í tvö próf 19 jan og svo síðasta 30. jan. Ég byrjaði næstum að naga neglurnar aftur. En ég fór í dag og breytti því. Ég talaði við ombudspersónuna mína og hún breytti því þannig að ég fer bara í eitt 19. jan og annað 22.jan. Ég bað hana líka um að flýta þessu 30.jan af því að ég þarf að koma heim fyrr þar sem önnin min byrjar 12.jan og síðasti prófadagur er 30. jan. Hún sagðist nú ekkert geta gert í því þar sem ég hafði vitað þetta allan tímann. Ég spilaði því fram sympathy cardinu og sagði að ég hafði ekki vitað það þar sem ég þyrfti að koma heim vegna efnahagskreppunnar. Hún vorkenndi mér voða voða mikið og talaði við prófessorinn og ég og prófessorinn ætlum að aransera þessu þannig að ég fæ að taka munlegt próf fyrr.
Síðustu helgi var ég í jólaglöggi sem smakkaðist ótrúlega vel. Svona jólaglögg er þó stórhættulegt, soðið rauðvín með rommi kostar daginn eftir rúmliggjandi með dúndrandi höfuðverk. En þetta var rosa skemmtilegt kvöld fyrir því.
Næstu helgi er svo international christmas party og á laugardaginn ætla ég að fara til Köln á jólamarkað (held ég láti jólaglöggið vera í það skipti).
Því þarf ég að fara að koma mér að verki núna.
Sjáumst eftir tæpar tvær vikur
Yfir og Út
Hildur

29 Nóvember

2008-11-29T14:57:00.006Z

Ég var að koma af flugvellinum. Fylgdi Þórhildi þangað en nú er dvölin hennar hér í Belgíu búin. Ég fór til Brussel í gærkvöldi og við fórum niður í bæ í síðasta sinn. Við vorum svo heppnar að við lentum akkurat í kveikja-á-jólatré-athöfn á grote markt. Þeir voru að kveikja á ofsa fallegu jólatré og hafa örugglega fengið skreytingarstílin hjá Siggu moster, svona blátt og silfrað. Svo var rosa ljósashow og jólabásar þar sem boðið var upp á jólaglögg. Það sem mér fannst svo fyndnast var að þeir voru búnir að setja upp fjárhús með jötu á miðju torginu og þar höfðu þeir sett alvöru kindur.
Ég kom svo heim í dag og er komin í mjög mikið jólaskap. Ákvað að njóta þess að vera í fyrsta sinn ekki í prófum í desember og fór í göngutúr um miðbæ Leuven áðan. Nennti þó ekki að standa í innkaupum né búðarrápi þannig að ég rölti um með ljómandi góðan kaffibolla og skoðaði jólaskreytingarnar í gluggunum.
Það er nefninlega svoldið merkilegt að ég er búin að vera hér í næstum heila önn en bara einu sinni verið heima alla helgina. Það gerist líklega ekki aftur því ég er búin að plana ferðalög báðar helgarnar sem ég á eftir.
Ég er farin að hlakka rosa mikið til að koma heim um jólin en einnig með mikilli eftirsjá. Vil ekki að tíminn minn hér sé að verða búinn. Ég hef nefninlega ákveðið að vera á Íslandi næstu önn (er fórnarlamb kreppunnar). Ég kem þó aftur hingað í janúar til þess að taka próf.
Hafið þið það gott
p.s. ef ykkur vantar eitthvað frá útlandinu sem ekki er hægt að fá á Íslandi vegna innflutningstakmarkana, þá bara látið þið heyra í ykkur:)

2008-11-21T23:10:00.003Z

Loksins tími til að blogga.

Í gær var hurðin löguð þannig að nú þarf ég alltaf að taka upp lykil til að komast inn. Það er svosem ágætt, smá öryggi sem felst í því að geta læst húsinu. Í millitíðinni var þó öðru hjóli stolið en ekki er vitað um fleira sem var fengið að láni. Nú veit ég þó að Leuven er ansi örugg borg:)

Síðustu helgi fórum ég og Þórhildur í heimsókn til Ástu í Leiden. Leiden er mjög skemmtilegur staður og íbúðin hennar Ástu alveg einstaklega kósý. Ég og Þórhildur gerðum ferðina til Leiden að ævintýri með því að gera smá gloríur á leiðinni. Við fórum út á vitlausri lestarstöð í Antwerpen svo að við misstum af lestinni til Leiden. Það nýttum við okkur til að hafa matarstopp í Antwerpen á meðan við biðum eftir næstu lest. Þegar hún loks kom eftir fjörtíu mínúta seinkun stukkum við inn í hana án þess að athuga neitt frekar hvort hún stoppaði í Leiden. Raunin var sú að hún gerði það ekki. Við komum því við á Schiphol til þess að taka út jólaskreytingarnar þar. Þetta gekk þó allt saman upp á endanum og tókst okkur að koma okkur til Leiden. Helginni eyddum við svo í rólegheitum, fórum í marga drykki hér og þar og skoðuðum okkur um. Þórhildur og Ásta voru svo ansi myndalegar og dunduðu sér við hannyrðir yfir skemmtilegu spjalli heima hjá Ástu.

Í gær fór ég á Cantus sem er einstaklega skemmtilegur viðburður og ég held að sé eitthvað sem ég gæti hugsað mér að innleiða á Íslandi. Þar situr fólk saman við borð og á einu háborði situr Cantusstjórinn. Allir fá textabækur með ýmsum textum til að syngja. Í gær var international cantus og lögin voru allt frá gaudeamus til mama mia. Cantusstjórinn segir hvað skal syngja og inn á milli stendur hann upp og skálar og allir þurfa að drekka, yfirleitt til botns. Svo segir hann stundum að einhverjir þurfi að standa upp á stól eða borði. Alls kyns skemmtilegir leikir og reglur sem hann setur á meðan á cantusnum stendur. Í gær áttu t.d. öll þjóðerni að syngja þjóðsöng sinn. Ég var eini íslendingurinn og söng því þjóðsöngin ein upp á stól.

Á morgun er ég svo að fara til Brussel til Þórhildar og erum við að hugsa um að fara til Bruge á sunnudaginn. Þórhildur er svo búin að bjóða mér að koma í heimsókn í þingið og ætla ég að fara með henni í vinnuna á mánudagsmorguninn.

Það var ekki fleira að sinni
Kveðja til kreppulands

Hildur

Að vakna upp við vondan draum

2008-11-13T18:56:00.003Z

Herbergið mitt er á jarðhæð. Þegar gengið er inn um útidyrnar kemur þú inn í gang þar sem sambýlendur mínir geyma hjólin sín. Útfrá þessum gangi er hægt að ganga inn í eldhúsið og herbergið mitt og svo uppá næstu hæð.
Aðfaranótt þriðjudagsins dreymdi mig frekar illa, mig dreymdi allskonar ljótt og vont fólk. Mig dreymdi líka að það væri verið að brjótast inn og einhver hefði komið inn í herbergið mitt en farið þaðan út aftur. Þessi atburður var svo raunverulegur að ég vaknaði upp með andfælum. Mér tókst þó fljótt að sofna aftur og svaf hálfilla það sem eftir lifði nóttu.
Á þriðjudagskvöldið hitti ég svo eina stelpuna sem býr með mér og hún spyr mig hvort ég hafi séð hjólið hennar. Hún hafi skilið það eftir á ganginum fyrir helgina og það hafi ekki verið þar þegar hún kom til baka á þriðjudaginn. Ég fékk svoldin hroll en ekki hafði ég séð hjólið.
Strákarnir sem voru heima um helgina sögðu okkur svo að á laugardagsmorguninn hafi hurðin verið opin upp á gátt en hjólið enn á sínum stað.
Í dag ákvað ég því að athuga með þessa hurð og viti menn hún læsist ekki! Hún er bara alltaf ólæst.
Staðan er því sú að hver sem er getur gengið inn af götunni og vafrað um húsið. Ég vona samt að ég hafi bara fengið martröð aðfaranótt þriðjudags en ekki séð menn inni í herberginu mínu í alvöru.
Hér eftir ætla ég þó að sofa með læsta hurð en það hef ég ekki gert hingað til.

Síðasta helgi í Frakklandi var alveg stórmögnuð, ofsa gaman allan tímann og gríðarlegt fjör og skemmtilegheit. Ég stoppa svo stutt í Belgíu að þessu sinni eða í tæpa viku því ég er að fara til Leiden í Hollandi á morgun með Þórhildi að heimsækja Ástu Björk og hlakka mikið til.
Lifið í landi en ekki í hlandi
Hildur

2. nóvember 2008

2008-11-02T17:19:00.004Z

Var að koma frá Brussel. Fór þangað í gær að heimsækja Þórhildi og hitta Ólöfu. Rosa gaman að hitta þær báðar tvær.

Alveg finnst mér ótrúlegt að það sé kominn nóvember, er farin að halda að tíminn líði hraðar í Belgíu heldur en á Íslandi.

Ég fór í Halloween party á föstudaginn. Ofsa gaman, fólk í allskyns búningum eða málað í framan. Ég gerði mig til með Nötshu vinkonu minni, hún lánaði mér eitt blúndustykki á hausinn og við máluðum okkur svartar um augun. (íslenski fáninn í bakgrunn er í hennar herbergi)

Síðasta miðvikudag fór ég svo á þjóðlagaball. Þar fór fram danskennsla áður en ballið hófst og mynnti hún mig mikið á gamla daga í mr. En það var rosa gaman að rifja upp skottísinn og læra nýja dansa. Eftir það fórum við svo og skemmtum okkur á hefðbundnari hátt:)

Í brussel keypti ég mér svo miða til Frakklands. Er að fara til Lyon næsta föstudag og verð fram á mánudag. Hlakka rosa mikið til. Er að fara hitta Bigga og fleiri krakka frá Íslandi. Verð því að vera dugleg að læra í þessari viku (og flestar aðrar) þar sem ég er alltaf á faraldsfæti um helgar.

Annars er ég að fara í partý í kvöld svo að ég þarf að fara að drífa mig að gera eitthvað að viti.

Þangað til næst

Lifið vel og lengi en ekki í fatahengi.

TATA!

2008-10-28T18:39:00.003Z

Sko, myndavélin mín komin á leiðarenda.

Ég fór á pósthúsið í gær og sótti hana og gladdist ótrúlega mikið þegar ég opnaði pakkann og upp úr honum valt allskyns íslenskt gógæti. (takk fyrir það ma og pa).

Annars er lítið að frétta héðan. Ég skrapp til Amsterdam á laugardaginn var með Franzisku vinkonu minni og vorum við þar fram á sunnudag. Við löbbuðum og löbbuðum um alla Amsterdam og skoðuðum borgina. Við gistum svo á youth hosteli um nóttina sem var mjög fínt. Sunnudagurinn átti svo líka að fara í rölt og túristaleik en þar sem við fengum ekta íslenskt veður (rok og rigningu) ákváðum við bara að taka lestina í fyrra fallinu.

Annars er veturinn að ganga í garð hér, hitinn hefur lækkað undanfarna daga og nú líða færri dagar á milli rigningadaga. Hitinn er komin niður í 10 gráður og fer jafnvel niðurfyrir það.

Í samræmi við það (og auðvitað sólarganginn) erum við komin á vetrartíma hér og því er ég bara einum tíma á undan ykkur.

Annars gegnur lífið sinn vanagang hér, skóli á hverjum degi og nóg að læra.

Þangað til næst, hafið það gott og passið ykkur á myrkrinu

(ætla að fara að gæða mér á freyju lakkrísdraum)

15. október 2008

2008-10-15T09:47:00.003Z

Mikið er ég orðin leið á þessu krepputali og efa ég að ég sé ein um það. Ég hef undanfarna daga orðið vör við það að hina ýmsustu sögusagnir um Ísland eru í gangi í heimspressunni. Hvern dag hitti ég einhvern sem spyr mig hvernig ég hafi það þar sem Ísland er farið á hausinn. Ég fæ mikið klapp á bakið og sambýlingar mínir eru meira að segja búnir að bjóða mér að borða þeirra mat ef ég á ekki fyrir mat. Ég mætti í Hollenskutíma um daginn og kennarinn hóf tímann á því að spyrja mig hvernig ég hefði það. Ég setti þetta ekki í neitt samhengi við kreppuna og sagðist bara hafa það fínt, takk fyrir. Þá fór hún að spyrja hvort að ég hefði peninga og mat og hvort að fjölskyldan mín á Íslandi fengi eitthvað að borða. Ég gat ekki varist brosi og sagði að það væri til nægur matur á Íslandi bara engir peningar.

Annars hefur verið nóg að gera undanfarna daga og ég hef varla tíma til þess að lesa lexíurnar mínar. Mikið framboð af partýum og alls kyns skemmtilegheitum.
Á sunnudaginn fór ég á kaffihús í góðaveðrinu með stelpu sem ég var að hitta í fyrsta sinn en hún hafði beðið mig um að hitta sig vegna þess að hún hefur gífurlegan áhuga á Íslandi, Íslensku og Íslenskri menningu. Hún hafði verið sjálfboðaliði á Tálknafirði síðustu tvær vikurnar í ágúst og vissi ýmislegt um Ísland. Henni þykir Brennivín meira að segja gott.

Á mánudaginn fór ég svo í Afmæli til eins vinar míns sem er frá Finnlandi. Þar fékk ég að bragða á ljúfengum heimagerðum finnskum kjötbollum og kartöflustöppu. Toppurinn var svo þegar hann bauð upp á finnkst áfengi. Finnar drekka nefninlega vodkaskot með lakkrísbragði og hafði hann gert tilraun til þess að búa til slíkan drykk með belgísku nammi og frönskum vodka sem heppnaðist alveg ágætlega.

Myndavélin mín er komin í lag og ma og pa ætla að senda hana til mín svo fljótlega get ég farið að smella af og setja á netið allt það skemmtilega sem verður á vegi mínum.

8. október 2008

2008-10-08T18:21:00.003Z

Ætli sé ekki kominn tími á nýtt blogg kæru lesendur (ágústa og tóta)
Nú er mundi kominn og farinn. Helgin var alveg frábær og heimsóknin hans lengdist meira að segja, hann ætlaði að fara heim á mánudaginn en vegna verkfalls í almenningssamgöngum fór hann ekki heim fyrr en í dag.
Við nutum helgarinnar, ég, Þórhildur og Guðmundur ýmist í Brussel eða Leuven. Við gátum mikið spjallað og ekki annað en hlegið að grátlegri stöðu í efnahagsmálum.
Mundi hafði ýmislegt skemmtilegt í fórum sér, kom með ostapopp og íslenskan lakkrís og annað íslenskt sælgæti frá velunnurum á Íslandi, Takk fyrir það.
Á laugardagskveldinu kynntum við mundi okkur pöbbamenninguna í Leuven. Við vorum svo heppin að fá gefins tvo bjóra á mann út á það að vera íslendingar. (Kannski þessir menn hafi fengið fréttir af efnahagsástandinu og vorkennt okkur).
Annars gengur lífið sinn vanagang hér í Lauven. Ég er í skólanum á hverjum degi og nóg að gera í frítíma mínum. Ég á bágt með að trúa því að það sé kominn október þar sem hér er meira svona seint í ágúst veður.
Ég lenti líka í atviki sem kom mér skemmtilega á óvart í dag.
Ég var á kaffihúsi í dag með nokkrum krökkum sem eru með mér í hollenskunámskeiðinu og var í miðjum samræðum við útlendingana þegar allt í einu leggur einhver hönd á öxl mína og spyr á ástkæra ylhýra ert þú frá Íslandi. Jújú, ég er ekki eini íslendingurinn hér.
Ég tók eitt mikilvægt skref um daginn sem lið í því að verða eins og hinir og falla inn í hópinn. Ég fór og keypti mér svona pakka af snýtibréfum en hér er mikil lenska að vera ávallt án undantekninga með snýtibréf í vasanum. Alveg finnst mér það furðulegt þegar fólk þarf alltaf að vera að snýta sér í tíma og ótíma og stinga bréfinu svo bara í vasann. Í viðleitni minni til að falla inn í hópinn fjárfesti ég því í snýtibréfum og hef pakkan yfirleitt með mér en ég ómögulega get vanið mig á það að snýta mér af fullum krafti í miðjum fyrirlestri en kannski kemur það með tímanum.
Ég breytti nafninu á blogginu, eftir að hafa fengið góðfúslegt leyfi frá munda. Ég tók þá eftir því að undirtitillinn á blogginu hefur frá upphafi verið lengi getur vont versnað og finnst mér það nú ótrúlega viðeigandi miðað við þessa síðustu og verstu daga (efnahagsmálin enn og aftur)
Þangaði til næst
Lifið í lukku en ekki í krukku

Halló

2008-09-27T12:59:00.004Z

Ég hef heyrt að það sé búið að rigna ansi vel heima á Íslandi síðan ég fór. Í dag er alveg blár himinn í Leuven og 20 stiga hiti. Ég skal því reyna að senda ykkur smá sól:)

Þá er ég búin að vera í skólanum í eina viku. Ég þarf hvorki að taka kúrsa á flæmsku né heldur læra guðfræði.
Á mánudaginn var settur inn listi af enskum kúrsum sem ég get tekið og hef ég setið þá undanfarna viku. Þessir kúrsar eru að ég held allt masterskúrsar og virðast við fyrstu kynni vera nokkuð áhugaverðir. Ég skráði mig meira að segja í einn mannfræðikúrs.
Prófin eru svo ekki fyrr en í janúar svo að það verður að mestu bara greinar sem ég þarf að lesa á þessu ári.
Á morgun er svo fyrsti flæmskutíminn en ég er búin að skrá mig í flæmskunámskeið. Þetta er þó bara Hollenska sem ég læri því að flæmskan og hollenskan eru nánast eins, eini munurinn er framburðurinn. Flæmskan hljómar svoldið eins og sænska svona syngjandi hollenska.

Leuven er ekki stór borg, hún er að mestu leiti byggði í hring sem er aðeins tveir kílómetrar að þvermáli (eins og frá alpan og út í skóla). Hér eru allir á hjóli og má ég passa mig veruleg á því að ganga ekki alltaf í veg fyrir hjólandi vegfarendur. Mér stendur til boða að leigja mér hjól fyrir þennan vetur en veit ekki hvort ég þori því þar sem hér gilda sömu reglur um hjól og bíla. Bannað er að hjóla gegn einstefnu og þú þarft alltaf að stoppa á rauðu ljósi og virða forgang. Ég er ansi hrædd um að allir mínir peningar færu fljótt í sektir ef ég tæki upp á því að hjóla. Belgar eru með eindæmum sektarglaðir og hér eru löggur á vappi út um allt.

Félagslífið hér fer að mestu fram á virkum dögum, hér eru partý alla virka daga en um helgar fara allir til síns heima. Það er því minna að vera um um helgar. Í kvöld ætla ég þó að skella mér á tónleika með einni franskri stelpu sem ég hef kynnst. Veit ekki alveg hvers kyns þessir tónleikar eru en grunar að það sé einhverskonar electronic music því það virðist vera vinsælasta tónlistin hér. Það venst vonandi.

Annars ætla ég bara að biðla til allra þeirra sem taka þátt í íslensku efnahagslífi að fara að styrkja elsku litlu krónuna okkar. Þetta gengur ekki lengur.

Fyrsta heimsókn vetrarins er svo plönuð næstu helgi en þá ætlar Mundi litli frændi að heimsækja okkur Þórhildi. Ég hlakka mjög mikið til að fara til Brussel á föstudaginn og hitta hann. Það eru svo allir velkomnir að heimsækja mig. Pantið bara flug og látið mig vita:)

Þangað til næst

Leuven

2008-09-21T15:34:00.005Z

Jæja þá er ég komin til Leuven.

Loksins er ég komin á leiðarenda og sit núna heima hjá mér í herberginu mínu sem ég er búin að finna mér. Fyrstu dagarnir fóru í hlaup um alla Leuven til þess að skoða herbergi sem hugsanlega gætu orðið samastaður minn næstu mánuði. Ég sá ýmislegt á þessum dögum og komst af því að ég hef bara nokkuð háan skítastöðul, sem kom mér verulega á óvart:)

En leit þessi tók enda og ég er komin með herbergi sem er hreint og fínt. Ég leigi herbergi í íbúð með 6 öðrum. Þar af eru þrír belgar, einn spánverji, einn grikki og einn lithái. Ég deili eldhúsi, sturtu og klósetti með þessu fólki sem virðist við fyrstu kynni vera hið fínasta fólk. Ég hef hins vegar handlaug eða vask inni í herbergi útaf fyrir mig. Í gær fór ég svo aftur til Þórhildar og eyddi með henni laugardeginum og gisti þar. Í dag kom hún svo til mín til Leuven í heimsókn og til að taka út herbergið. Hún tók myndavélina sína með svo að ég gæti sýnt ykkur herbergið mitt:) Það verða eitthvað fáar myndir allavega fyrsta part dvalar mynnar hér þar sem myndavélin mín varð fyrir hnjaski í kveðjupartýinu og varð því að vera eftir á Íslandi.

Á þessum hlaupum mínum undanfarna daga hef ég einnig reynt að ná einhverjum af þeim fjölmörgu dagskrárliðum sem voru hluti af orientation dögunum eða kynningardögunum. Ég er búin að fara í göngutúra um Leuven og sitja nokkra fyrirlestra um hin ýmsustu mál sem gætu komið sér vel og farið í eitt nokkuð gott partý sem endaði niðrí bæ til klukkan fimm um morguninn. Á föstudagskvöldið fór ég svo í bíó með skiptistúdentunum hér og fengum við að sjá eitt stk. flæmska mynd sem ég man ekki hvað heitir en var mjög góð:)

Byrjunin hér í Belgíu hefur því lofað góðu og býst ég við því að þetta muni verða viðburðaríkt og skemmtilegt ár.

Að vera Íslendingur er ekki svo auðvelt. Ég er eini Íslendingurinn hér og nú þegar ég hef átt í fjöldanum öllum af small talk samræðum er ég að hugsa um að fara að kynna mig sem Breta.

Samræðurnar byrja oft á einhverju eins og hvað ertu að læra eða einhverju slíku. Svo kemur að því að fólk vill vita hvaðan þú ert. Ertu frá Bretlandi? Nei. Írlandi? Nei ég er frá Íslandi. Váá that's exotic! You wan't be going home every weekend. That's really far away. Þetta kemur jafnvel frá fólki sem kemur frá Ameríkunni. Mig er farið að langa að segja já, ég kom með geimflaug, Ísland er nefninlega á tunglinu. Nafnið mitt flækist líka virkilega fyrir fólki. Þetta fer þó að venjast:)

Á morgun er svo skólasetning eða welkome day með messu og alles:) Ég á líka ennþá eftir að skrá mig í kúrsa. Ég ætlaði að gera það í gær en þá sagði heimasíða skólans mér að allt bachelornám sé kennt á flæmsku nema guðfræði. Ég ætla að reyna að byðja þá um að hjálpa mér með þetta á morgun niðri í skóla og ef allt bregst verð ég bara að læra guðfræði. ´

Ég er líka komin með belgískt símanúmer sem er 032473398997

Þá held ég að það sé komið að sinni.

Kveðja frá Belgíu

Hildur:)

Sumartíð

2008-08-05T17:56:00.004Z

Nú eru rúmir fjórir mánuðir frá síðasta bloggi. Margt hefur gerst síðan þá og sumarið senn á enda. Ég hef verið að vinna í þjóðskrá í sumar og mundi hefur verið mest á hrauninu:)

Sumarið hefur verið afar skemmtilegt. Snemma í sumar fór ég í útskrift til Ásu og skemmti mér þar konunglega.

Svo fór ég líka í útilegu með Ágústu, Tótu, Chris, Matta og Bigga á Snæfellsnesið í júní.

Svo voru fastir liðir eins og jónsmessa.

Fyrstu helgina í júlí var svo farið á goslok í Vestmanneyjum með góðum hópi fólks

Enn var svo farið af stað í endann júlí og var ferðinni þá heitið á Seljalandsfoss með stórskemmtilegu fólki.

Ég ætla mér svo að flytja tímabundið út fyrir landssteinana í haust. Þann 15. sept mun ég fara til Leuven í Belgíu og stúdera þar í eitt ár eða svo. Ég ætla að reyna að nota þessa síðu til þess að flytja fréttir þaðan. Vonandi mun Mundi þá verða duglegur við að flytja fréttir af fróni næsta vetur.

Kveð að sinni

Hildur

Hallóhalló

2008-04-01T10:27:00.004Z

Jæja nú þurfa þeir sem enn líta hér inn ekki að lesa meiri áróður í bili.
Nú er ég nýorðin ein í kotinu aftur eftir að hafa haft einn og hálfan útlending í heimsókn hjá mér í nokkra daga. Heili útlendingurinn var Chris (kærastinn hennar Gússu syss) en þessi hálfi var Ágústa (það má segja að hún hafi verið hálfur þar sem hún talað útlensku nær allan tímann). Það var frábært að hafa þau og er ég ekki frá því að það sé hálftómlegt í kotinu eftir að þau fóru.

Annars hefur ekki mikið á daga mína drifið. Ég skellti mér til Brussel í byrjun síðasta mánaðar í námsferð þar sem við fengum að heimsækja NATO og sendiráðið og fleira. Þetta var ofsa skemmtilegt og gleymdum við ekki að skemmta okkur á hverju kvöldi eftir heimsóknir dagsins.

Ég, Tóta, Matti og Gústa skelltum okkur einn sunnudaginn á skíði í Bláfjöllum um daginn. Ég var mjög stollt yfir því að detta ekkert (mjög langt síðan ég fór á skíði síðast), þar til í næstsíðustu ferðinni. Það má eiginlega segja að systur mínar hafi hrint mér án snertingar. Þær brunuðu framhjá mér í röð. Ágústa á eftir Tótu og Ágústa fór svo hratt að hún skíðaði aftan á Tótu og datt næstum því. Þar sem þetta var óborganlega fyndið gleymdi ég að ég var á skíðum og rúllaði nokkra hringi og endaði í skafli, en var þó ekki meint af. Það var þó eftirminnilegast þegar Ágústa fór ein í fjögurramanna stólalyftu (eftir að hafa nýlega talað um hræðslu sína við þessa lyftu) og við þrjú á eftir. Ágústa fór óvart á undan, ætlaði að færa sig frá lyftunni en svo kom hún og skúbbaði henni upp þannig að ágú lenti kylliflöt í lyftunni og fór alla leið upp ein. Við fylgdum henni í lyftunni á eftir og hughreystum hana með hlátursköllum alla leiðina upp. (Þetta var kannski svona you had to be there moment). Hér að neðan má sjá mynd af Ágú einni í lyftunni.

Svo eru páskarnir nýbúnir, vorum við öll á bakkanum yfir hátíðarnar. Ég fékk málsháttinn, mjór er mikils vísir, sem ágústa færði svo yfir á ensku, skinny people know alot. :)

Nú er hins vegar kominn tími mikillar lesningar og ritgerðarsmíða (sem er kannski helsta ástæðan fyrir þessu bloggi nú).

Til hamingju með afmælið mamma.
Ég kveð því að sinni
Hildur á bókhlöðunni:)

Kosningar, Vaka, X-A

2008-02-06T10:42:00.000Z

Ég kýs Vöku

Af hverju eiga nemendur við Háskóla Íslands að kjósa Vöku? Jú, einfaldlega vegna þess að Vaka lætur verkin og málefnin tala. Vaka hefur sýnt það á undanförnum árum að hún nær árangri í hagsmunabaráttu stúdenta fái hún umboð til þess að leiða Stúdentaráð. Það er von mín að félagið fái í komandi kosningum þetta umboð frá nemendum við Háskóla Íslands svo við fáum loks aftur að sjá raunverulegan árangur í hagsmunabaráttu stúdenta.

Á heimasíðu félagsins er að finna pistla og fréttir sem gera grein fyrir því af hverju félaginu er treystandi fyrir forystuhlutverki í hagsmunabaráttunni. Innan Vöku er hópur nemenda úr öllum deildum skólans og vilja þessir nemendur gefa hluta af sínum frítíma til að sinna ólaunuðu hagsmunastarfi í þágu samnemenda sinna. Kynntu þér málin og taktu upplýsta ákvörðun þann 6. eða 7. febrúar 2008. Það skiptir máli hver stjórnar Stúdentaráði. Settu X við A!

Lánasjóðsmál á mannamáli

http://vaka.host.is/news/59/

Vaka gerir úttekt á aðgengi fatlaðra í HÍ

http://vaka.host.is/news/57/

International students, this is your chance to speak up!

http://vaka.host.is/news/53/

Rödd stúdenta heyrist betur þegar Vaka lætur verkin tala

http://vaka.host.is/news/52/

Betur má ef duga skal

http://vaka.host.is/news/50/

Skýrsla Vöku um starfsemi Stúdentaráðs

http://vaka.host.is/news/20/

Sumarpróf - Í hverra þágu?

http://vaka.host.is/news/2/

Stúdentakortin - næstu skref

http://vaka.host.is/news/8/

--------------------------------------------------------

Hér getur þú lesið meira um málefni Vöku

http://vaka.host.is/issues/#id14

Frambjóðendur Vöku (Stúdentaráð 2008 - 2010)

http://vaka.host.is/frambod/shi2008/

Frambjóðendur Vöku (Háskólaráð 2008 - 2010)

http://vaka.host.is/frambod/haskolarad2008/

SURPRISE

2007-11-28T15:58:00.000Z

Þarna kom ég ykkur á óvart, þ.e.a.s þeim sem enn líta hér við.
Nú fyrst er nafnið á þessari síðu orðið rangnefni, og því jafnvel kominn tími á breytingar. Mér datt í hug nafnið Hústöku-Hildur og Miðbæjar-Mundi þar sem ég flokkast nú í hóp hústökufólks og Mundi er enn í miðbænum eftir að fjölskyldan á Kára leystist að mestu leyti upp. Tóta og Matti farin í sveit, Ágústa komin með bú í Bretlandi og Þórhildur senn á leið til Þýskalands.
Tilefni þessa bloggs er ekki það að eitthvað fréttnæmt hafi gerst, heldur fremur það að ég á að vera að lesa leiðinlega bók.
Annars er allt fínt af frétta, það fínt að búa í 107 þó svo að maður kíki nú iðulega á Kára gamla. Nú er önnin senn á enda og hefur liðið fljótt og gengið vel. Ég hef þó ekki getað vanið mig á það að vera á þjóðarbókhlöðunni frekar enn fyrri daginn en þar eru mundi og Þórhildur mest allan sólarhringinn. Mundi les lög og Þórhildur skrifar ritgerð.

Annars er ég nú aðallega að þessu til þess að sjá hvort viðbrögðin verði einhver. Hver veit nema þá færi þetta allt saman af stað aftur. Við skulum sjá.
Heyrumst kannski síðar, Hildur

Fréttir

2007-08-20T21:59:00.000Z

Jæja lesendur góðir.
Þeir sem lesa þessa fæslu eiga hrós skilið og þakkir frá þrælunum, þar sem að þið hafið í ótal skipti orðið fyrir vonbrigðum vegna þess að það er ekki enn komin inn ný færsla.
Nú er sumarið senn á enda og hefur það bara verið nokkuð gott, fjölmennt hefur verið á Kárastíg í sumar og hefur Mundi lítið dvalið hér. Þórhildur og Tóbí eru flutt heim í bili og Tóbí kominn með vinnu. Ég hef því ákveðið að flytja héðan út svo að þeir sem eftir verða hafi rýmra um sig. Ég ætla að flytja á Ægissíðuna í kringum mánaðarmótin, þar mun ég búa alein og mun því eflaust eyða góðum stundum hér á Kára samt sem áður.

Fleira var það ekki að sinni
Hafið þið það ofsa ofsa gott þangað til næst

p.s. afhverju er blogspot-ið mitt á þýsku?

Prófatíð -sumarfrí

2007-05-14T11:23:00.000Z

Þetta er nú alveg stórmerkilegt. Nú höfum við verið í prófum í dágóðan tíma en ekkert bloggað. Af því að dæma mætti halda að við höfum verið alveg einstaklega duglega að læra og ekki gefið okkur tíma til þess að blogga. Held ég þó að það sé nú ekki alveg réttur dómur.
Ég er nú á leið í mitt síðasta próf, núna klukkan hálf tvö, er nú barasta hætt að læra.
Mundi greyið á eftri tvær vikur og á að fara í stærðfræðipróf á morgun, sem hann mun nú rúlla upp.
Nú eru kosningarnar búnar og uni ég vel við niðurstöðurnar, að mínu mati (og Geirs) var Sjálfstæðisflokkurinn sigurvegari kosninganna þar sem hann bætti við sig 3 þingmönnum, og það eftir 16 ár í ríkisstjórn.
Ég er nú alveg að detta í sumarfrí og er nú komin með vinnu. Ég ætla að vinna í ríkinu í Austurstræti og selja áfengi. Veit ekki alveg hvort að það sé skemmtilegt, en það er allavega vinna.
Annars vil ég bara biðja fólk um að fara að taka upp regngallana sína og undirbúa sig fyrir regn og grámosku það sem eftir lifir sumar. Það er nefninlega trendið að það er gott veður, sól og logn rétt á meðan ég er í prófum en svo verða stakkaskipti á veðri þegar ég geng út úr mínu síðasta. Sjáið þið bara til, klukkan hálfffimm í dag fer að draga ský fyrir sólu.
En verið þið þá sæl að sinni

18.apríl 2007

2007-04-18T21:34:00.000Z

Ansi langt síðan síðast.

Ég var á landsfundi sjálfstæðisflokksins síðustu helgi, þetta var ansi fróðleg og með eindæmum skemmtileg helgi. Allt heppnaðist frábærlega. Við vorum í barnagæslu sem gekk líka nokkuð vel. Vonandi á ég nú eftir að fara á marga landsfundi eftir þetta. Var reyndar svoldið þreytt á mánudeginum.

Ég er svo búin að ná mér í skæða kvefpest, sem varð þess valdandi að rödd mín er nú búin að vera frá frá því á föstudag, heyri bara hálfa heyrn og þar fram eftir götunum. Valdi mér mjög góðan tíma fyrir þetta þar sem að þessi vika er vika lokaverkefnanna, ritgerðir og hlutapróf fyrir hin eiginlegu próf. Góð tímasetning það. Annars var síðasti skóladagurinn í dag og ég þar með komin í upplestrarfrí. Klára svo próf 14. mai.
Mundi er byrjaður í stúdentsprófum, fór í lögfræðipróf í dag og gekk bara nokkuð vel. Hann dimmiterar svo á miðvikudaginn, fer í nokkur próf og verður svo fullorðinn þegar hann útskrifast 1. júní. Óskar er held ég bara alltaf í vinnunni.
Ég og Mundi sjáum fram á það að vera atvinnulaus í sumar. Þá er bara spurning um að taka lán hjá bönkunum upp á nokkrar millur og skella sér út í heim, það væri nú ekki leiðinlegt

Annars er allt gott að frétta héðan, ég og óskar fórum og fylgdumst með brunanum í austurstræti í dag. Svakalegur bruni og mjög sorglegt að sjá. Óskar felldi jafnvel nokkur tár þegar það rann upp fyrir honum að hann ætti ekki eftir að djamma á Pravda á næstunni. Við vonum þó að uppbyggingin eigi eftir að ganga fljótt og vel.

Gleðilegt Sumar
Krakkaskítarnir á Kára

Update

2007-03-08T19:19:00.000Z

Komin langur tími síðan síðast. Þetta er vegna þess að það var eitthvað verið að hræra í þessu sign inn dóti og allt hætti bara að virka.

Annars er allt fínt að frétta. Ég búin að fara til Bretlands og komin heim aftur. Þetta var mjööög skemmtileg ferð og tókst bara vel í alla staði. Rosa gaman að sjá nýju íbúðina hennar Gústu og að fá að sofa í arnarhreiðrinu. Það var líka gaman í Bournemouth hjá Tótu og Matta, íbúðin þeirra er rosa fín en með svoldið skrýtnum hurðum.

Tannsaveseninu er sko aldeilis ekki lokið. Komin með nýja í staðin fyrir þessa sem brotnaði. Aftur á móti vill þessi sem datt úr ekki festast. Allar líkur á því að tannhimnan hafi skemmst og það þýðir að hún mun ekki festast. Þá þarf að öllum líkindum að fara út í krónukaup og skrúfuvesen. Þetta mun þá jafnvel taka einhver ár. Ég er því komin í tannavesenið fyrir alvöru. Flábælt.

Nú fer að styttast í sumarið og bíðum við spennt eftir vorinu sem virðist alltaf hætta við að koma. Það hlýtur samt bráðum að fara að koma fyrir fullt og allt.

Óhöppin gera svo sannarlega ekki boð á undan sér

2007-02-13T11:55:00.000Z

Ég held að ég eigi skilin verðlaun fyrir að vera mesti hrakfallabálkur norðan alpafjalla. Ótrúlega ótrúleg og aulaleg óhöppin sem ég verð fyrir. Ferðir mínar upp á slysavarðstofu eru orðnar fjölmargar og nú ætla ég að segja stopp.
Á föstudaginn síðasta lenti ég í dýrasta óhappinu held ég. Ég var að setja vatnsglas í gluggakistuna mína, missti jafnvægið, bar ekki fyrir mig hendurnar því ég hélt á vatnsglasi. Þetta varð til þess að ég lenti á framtönnunum á gluggakistunni, mölvaði eina tönn, önnur datt úr og ég beit góðan bita úr gluggakistunni, nammi namm. Það vantar því í mig eina tönn núna, þessari sem datt út var bara troðið upp aftur. Ég þarf því að lifa á fljótandi fæði, barnamatur, súrmjólk, kókómjólk og einstaka frostpinni og súpa í kvöldmat.
Nú hef ég tekið þá ákvörðun að slasa mig ekki meira það sem eftir er þessa árs (svona áskorun) og ætla því að fara extra varlega, ekki stíga upp á hjól, alltaf vera með lausar hendur til þess að bera þær fyrir mig og ekki klifra upp á neitt, ekki einu sinni stól. Vonandi að það gangi.

Þangað til næst
Hrakfalla-Hildur

aðför að íhaldseminni

2007-02-06T13:47:00.000Z

Nú þykir mér stungin tólg, hvað gerir það að verkum að menn breyta fréttastefi fréttastofu útvarps? Og leyfa sér svo að kalla það framför?
Menn verða að muna ellefta boðorðið: Ekki breyta því sem ekki þarf að breyta!
endilega berið stefin saman:
Það nýja: http://dagskra.ruv.is/streaming/ras2/?file=4319025
og það gamla: http://dagskra.ruv.is/streaming/ras2/?file=4318488
Þetta er ekki framför, menn eiga ekki að reyna að gera fréttastofu útvarpsins e-ð posh, fá e-n úr trabant til að pródúsera o.s.frv.

ég er svo aldeilis yfir mig bit, hvað næst á að spila nasty boy á undan dánarfregnum og jarðarförum.
kv. Mundi.

Polska

2007-02-02T10:46:00.000Z

Kannski ekki alveg rétti staðurinn og stundin til að blogga. Er í tíma í opinberri stjórnsýslu en er hvort sem er löngu dottin út svo afhverju ekki að blogga?
Þorrablótið síðustu helgi fór vel fram og stóð skemmtinefndin sig mjög vel og vakti upp mikla kátínu (allavega hjá mér). Við mundi erum svo gamaldags að við eigum bara myndavélar með filmu svo að ekki verða myndirnar á þessari síðu.

Ég er enn mjög svekkt og sorgmædd vegna danaleiksins. Þetta var allsvakalegt. Ég er svo bitur út í dani að ég studdi pólverja heilshugar í leiknum í gær. Var rosa glöð þegar þeir fóru með dani svipað og danir fóru með okkur. POLSKA POLSKA. Mundi er aftur á móti ekki jafn langrækinn og studdi Lars Mölle Madesen og Kasper Hvit af miklum móð.

Rússaleikurinn var ekki góður og ekki lái ég strákunum okkar. Þeir eru ennþá miður sín trúi ég og því erfitt að taka þennan leik.
Aftur á móti tökum við spánverjana og lendum í 7. sæti sem er alveg ásættanlegt.

Enn og aftur er komin helgi og er það nú ekkert til að kvarta yfir.
Styttist óðum í Bretlandsför hlakka mikið til.
Góða helgi

Gleðilegt nýtt ár...

2007-01-22T16:08:00.000Z

og takk fyrir það gamla.

Við höfum ekki enn bloggað á þessu ári og því tími til komin.
Skólarnir eru komnir í gang, Tóta og Matti farin út og allt gegnur sinn vanagang á Kára. Mundi er alltaf rosa upptekinn, fer milli Reykjavíkur og Eyrarbakka eins og jójó til þess að við getum skemmt okkur vel á Þorrablótinu næstu helgi. Og efast ég ekki um að það eigi eftir að takast.

Mál málanna þessa daganna er samt HM í handbolta, ég varð fyrir miklum vonbrigðum eins og flestir aðrir íslendingar með leikinn gegn Úkraínumönnum í gær. Verðum bara að vona að við tökum Frakkana.

Annars er voða lítið í fréttum,
Þangað til næst...

Jólakort

2006-12-20T11:23:00.000Z

Þar sem ég sendi ekki jólakort og mun ekki hitta fólk í jólamessu eða -boði sendi ég mitt jólakort hér með:

Nú er Gunna á nýju skónum,
nú eru´að koma jól.
Siggi er á síðum buxum,
Solla´á bláum kjól.
:/: Solla´á bláum kjól :/:
Siggi er á síðum buxum,
Solla´á bláum kjól.

Mamma er enn í eldhúsinu
eitthvað að fást við mat.
Indæla steik hún er að færa
upp á stærðar fat.

Pabbi enn í ógnarbasli
á með flibbann sinn.
"Fljótur, Siggi, finndu snöggvast
flibbahnappinn minn".

Kisu er eitthvað órótt líka,
út fer brokkandi.
Ilmurinn úr eldhúsinu
er svo lokkandi.
Á borðinu ótal bögglar standa,
-bannað að gægjast í.
Kæru vinir, óskup erfitt
er að hlýða því.

Jólatréð í stofu stendur,
stjörnuna glampar á.
Kertin standa á grænum greinum,
gul og rauð og blá.

Loksins hringja kirkjuklukkur
kvöldsins helgi inn.
Á aftansöng í útvarpinu
allir hlusta um sinn.

Mamma ber nú mat á borð
og mjallahvítann dúk
Hún hefur líka sett upp svuntu,
Sem er hvít og mjúk.

Nú er komin stóra stundin,
staðið borðum frá,
nú á að fara að kveikja á kertum,
kætast börnin smá.

Ungir og gamlir ganga kringum
græna jólatréð.
Dansa og syngja kátir krakkar.
kisu langar með.

Leikföng glitra, ljósin titra,
ljómar stofan öll.
Klukkur hringja, krakkar syngja
kvæði og lögin snjöll.

Stelpurnar fá stórar brúður,
strákar skíðin hál.
Konan brjóstnál, karlinn vindla,
kisa mjólkurskál.

Síðan eftir söng og gleði
sofna allir rótt.
Það er venja að láta ljósin
loga á jólanótt.

Jólin, kv. mundi

ARGASTA ÞVÆLA

2006-12-18T23:20:00.000Z

Hvað gerirst? Þegar maður fullur bjartsýni með hvítan koll skrárir sig í háskólann og sækir um fullan námstyrk. Fellur svo harkalega til jarðar um jólin og áttar sig á því að þetta er ekki svo einfallt. Lín skrúfar fyrir og maður situr eftir með sárt enni, rétt tvítugur og skuldugur upp fyrir haus.
Jú maður lítur til forfeðra vorra íslendinga. Vísitöluskáldanna sem allir luku námi frá menntaskólanum í Reykjavík með sæmingi fóru svo utan og námu lög. Þeir hafa líklega líka fallið til jarðar, því flestir flosnuðu þeir upp úr námi og má ætla að það hafi verið vegna þess að velgjörðarmenn þeirra hafi heimtað endurgreiðslur og hætt að styrkja þá. Þeir snéru sér þá að drykkju, komu til íslands og gerðust skáld. Fóru að skrifa um ættjarðarást, eða um eymd og volæði. Dóu svo fyrir aldurfram vegna ofdrykkju. Maður ætti þá kannski að fara að semja?
Pæling....
Nei svo einfalt er það ekki. Ég vona nú að þetta sé að hafast. Síðasta prófið er á morgun. Vandamálið er hins vegar að ég hef nægan tíma í viðbót en get bara eiganveginn einbeitt mér af þessari einstaklega leiðinlegu lesningu um upphaf nútímaþjóðfélags. Geri mér fulla grein fyrir því að það eru fullt af hlutum sem ég ekki kann skil á en...
Ansans vesen

Léttara hjal. Jólafrí á morgun og ætlum við að taka jólaspilið á einu kvöldi, það verður gaman. Svo koma Tóta og Matti heim og þá Ágústa, nóg um að vera.

Jæja, einungis 14 tímar í próf og um að gera að reyna að gera eitthvað
Næst verð ég komin í jólafrí:)
Skál!!

Væl og volaæði

2006-12-13T11:40:00.000Z

Þá er komið að því. Ég fer í mitt fyrsta háskólapróf núna klukkan hálf tvö. Hef ekki eirð í mér til að lesa lengur og veit ekki alveg hvað skal til bragðs taka. (taka hár úr hala?) En ég er semsagt að fara í próf eftir smá, veit ekki hvað ég kann og engan veginn hvað bíður mín. Ég var líka svo óstjórnlega heppinn að ég fékk eitthvern skemmtilegan augnsjúkdóm í fyrradag svo nú sit ég með rautt auga sem er við það að fara að poppa út úr augntóftinni. Væri nú skemmtilegt ef það gerðist á prófi:) Stressið hefur ekki komið af jafnmikilli hörku þetta ár og undanfarin ár samt er ég með plástur á puttum, skýtið.
Annað sem pirrar mig núna er að ég er með Hjólin á strætó hring hring hring hring hring hring..... á heilanum. Það er nú vegna þess að Mundi er kominn í jólafrí og þá kemur maður að sjálfsögðu syngjandi heim. Mundi valdi þetta lag í þetta skiptið sem er alveg óskiljanlegt.
En þetta verður vonandi fljótt búið, þangað til næst...

Desember, fesember

2006-12-06T21:41:00.000Z

Hvað á það að fyrirstilla að hafa desember svona kúfullan mánuð. Þetta er alveg svakalegt, jól, áramót, próf, vetur, myrkur, próf, próf, próf (og reyndar afmælið hennar Gússu). Við sitjum hér í rusli upp fyrir haus að reyna að einbeita okkur að lestri en ekkert gengur. Ekki búnir nema nokkrir dagar af törninni en ástandið er líkt og að við séum búin að vera hér í marga mánuði.
Þögnin verður til þess að þér dettur eitthvað sniðugt í hug, nefnir það og þá byrjar bull í einn og hálfan tíma a punktur, m punktur, k punktur. Það gagnast manni nú lítið. Við erum reyndar svoldið mörg núna og ekki bætir það úr skák nema hvað að hér er enn meira stuð.

Biggi var sendur í drekann áðan til að bæta ástandið en hefur nú algjörlega misst allt traust til þess að vera innkaupastjóri. Bað hann að kaupa frostpinna, en hann keypti létt lurk (ekki gott) og verst af öllu, HANN KEYPTI TAP. Hvað gekk manninum til?

Helga er líka búin að vera hér síðan í gær að reyna að halda okkur við efnið, held samt bara að við höfum haft slæm áhrif á hana.

Kannski komin tími til að fá okkur eitthvað í gogginn, hella á könnuna og reyna að komast á flug

Hvar er andinn?

Snjór, jól og próf

2006-11-23T11:23:00.000Z

Fjölskyldan á Túngötu 35 er annsi mögnuð í leiknum Hver er maðurinn?, hefur unnið þrisvar samanlagt.

Það styttist óðum í jól og próf og get ég ekki annað sagt að það hafi verið nokkuð jólalegt um að litast í höfuðborginni undanfarna daga. Allt fór á kaf í snjó á sunnudag, það mikið að ég fór út á tjörn og bjó til snjókarl sem var stærri en ég, og hefur snjórinn haldist alveg síðan. Erfitt hefur því verið að fóta sig þar sem það frystir og hlýnar til skiptist og eru allar gönguleiðir ísilagðar svona ósléttri hálku.

Nú er einungis ein vika eftir af þessari önn sem hefur bókstaflega flogið frá. Ég verð svo komin í jólafrí þann 19. des og þá er nú stutt í að Bretarnir komi heim að halda jól og hlakka ég afar mikið til þess.
Ég ætti eiginlega að vera að skrifa ritgerð sem ég á að skila nákvæmlega eftir viku og ekkert gengur né rekur með. Ég er meira að segja á bókhlöðunni, en hvar er betra að blogga en þar? Vonandi bara að andinn fari að koma yfir mig. Hann er búinn að láta bíða lengi eftir sér sem ekki er vel.
Jæjajæja, kannski maður snattist niður og kaupi kaffi
Verið þið sæl að sinni

4. Lota

2006-11-02T19:15:00.000Z

Það virðist ekkert lát vera á vinsældum leiksins Hver er maðurinn. Helga bað mig um meira í gær og sigga moster/mutta bað einnig um nýja lotu. Við ætlum þvi að verða við óskum þeirra. Við skuldum Auði enn verðlaun en lofum nú í annað sinn að þau berist fljótlega.
Kristín Þórðar vann síðustu lotu, þegar við ætluðum að vera lúmsk.
Endilega verið dugleg að taka þátt, minnum á að það eru verðlaun.
Svo að lokum, HVER ER MAÐURINN?

Pæling

2006-10-30T01:02:00.000Z

Loksins er ég búin með ritgerðina, fékk góða ómetanlega aðstoð frá Þórhildi í Þýskalandi.
Merkilegt hvað vikurnar og mánuðirnir fljúga áfram, finnst eins og það hafi verið mánaðarmót í gær en viti menn þau eru komin aftur. Tímin flýgur þegar gaman er :)
Ég hef horft svoldið mikið á sjónvarp undanfarið, eða meira en venjulega. Ég hef verið að fylgjast svoldið með slagorðum í auglýsingum sem yfirleitt meika engann sens. Hvað er átt við með þegar sagt er að góður drykkur felist í góðu jafnvægi? Kristall gott jafnvægi? Ég skil þetta ekki alveg. Annað dæmi um þetta er Volvo falleg stærðfræði. Það er alveg fáránlegt hvað kemur stærðfræði volvo við.
Í auglýsingum er líka alltaf verið að reyna að búa til einhver voða fín orð eins og RISAsmár sem er bara bull, þó svo að reynt sé að skýra þetta orð er bara ekkert til sem er risasmátt. Ef maður hlustar vel á auglýsingarnar kemur í ljós að þetta eru stundum bara algjörlega samhengislausar setningar sem hljóma bara vel.

Þetta átti ekki að vera kvart, bara svona til að vekja ykkur til umhugsunar.
Mig langar líka að vita hvort að auglýsingar hafi áhrif á fólk almennt. Ég held að þær hafi ekki áhrif á mig, í mesta lagi bíó og video auglýsingar en ekki bónusauglýsingar eða rúmfatalagersauglýsingar.

TZETZE

2006-10-24T12:43:00.000Z

Nú er fokið í flest skjól. Þegar maður eyðir tímanum sem maður neyðist til að vera á þjóðarbókhlöðunni í að vafra á netinu og blogga er maður komin á hættulegt stig einbeitingaleysis eða athyglisbrests. Ég er hérna einungis vegna þess að það er hola á stundasrkránni minni sem er of stutt til að rölta heim. Ekki er það vandamálið að lítið sé að gera eða að ég sé ekki með bækur, nei vandamálið er að það er svo mikið að gera að ég get ekki ákveðið á hverju er best að byrja. Það að vafra á netinu er því það eina lausnin.
Annars eru nú fleiri vandamál sem hrjá mig þessa dagana. Ég er hrædd um að flugnabú hafi myndast eihversstaðar á Kárastíg og í því búa hinar skæðu tzetze flugur sem valda svefnsýki. Ég og aðrir heimilsimenn eigum það svoldið til að sofa yfir okkur, sem kemur nú fyrir á bestu bæum, en virðist koma of oft fyrir á Kára. Óskar er reyndar ónæmur fyrir þessari veiki að ég held því honum tekst að koma sér í vinnu á réttum tíma. Það alvarlegasta við þetta er að ég virðist geta sofið í allt að 14 tíma á sólarhring sem er ekkert normal. Það þýðir því að eftir svefn gefst ekki mikill tími á sólarhringnum fyrir nokkuð annað.

Það er þó ekki allt að fara til fjandans, það gengur allt ágætlega þrátt fyrir þetta og stjórnmálafræðin er oftast nær skemmtileg.
Við fórum öll saman í bíó í gær á mýrina og held ég að ég geti mælt með henni, (reyndar skildum við nancy og milo eftir heima).
Hætt í bili, þarf að fara í vinnnulagstíma, bless kex

Eruð þið tilbúin í lotu 3?

2006-10-17T14:46:00.000Z

Lífið gegnur sinn vanagang hjá fimm fræknu á Kárastíg. Skólarnir komnir á fullt og ég veit ekki betur en að á silfri sé alltaf allt á fullu.
Ég þarf að skila ritgerð 1. nóv. og eru stressköstin farin að koma með æ styttra millibili. Fór á þjóðarbókhlöðuna áðan og sótti þar bunka af bókum sem ég veit ekki hvort að munu nýtast mér. Venjan er nú orðin sú að mundi vakir nætur fyrir mánudaga að skrifa ritgerðir eða fyrirlestra.
Esjan er orðin hvít og kuldabola hefur tekist að naga sér leiðir inn á okkar annars ágæta heimili. Við erum því byrjuð að kynda sem samkvæmt reglum má gera eftir 15. okt. Samt er þörf á ullasokkum allan sólahringinn.
Míló og Nancy eru kát og hafa þau alltaf þörf fyrir að tjá sig um alla mögulega hluti og vilja helst að maður horfi á þau allan sólarhringinn, en þau biðja fyrir góðum kveðjum til skötuhjúa í Bournemouth.
En nú kemur það sem allir bíða spenntir eftir, HVER ER MAÐURINN?
Í síðustu viku var það Auður sem sigraði keppnina og óskaði hún eftir blandi í poka í verðlaun, við viljum biðjast velvirðingar á seinnkun verðlaunanna en þau munu berast fljótlega.
Minnum svo fólk á að sigurvegarinn getur valið sér verðlaun en sá sem gefst upp skuldar okkur verðlaun.
Verið nu dugleg að giska og við verðum dugleg að svara
HVER ER MAÐURINN??

titill

2006-10-16T07:32:00.000Z

Góðann daginn.
Ég afgreiddi Guðmund Ármann í kleinunni í dag.
Ég hef svo sem ekkert að segja en það kom áskorun í kommennti um að blogga meira.
Hei jú, ég verð kominn í jólafrí þann 13, des. sem er vel. ekki verið búinn svona snemma áður síðan ég byrjaði á leiksóla.
kv. mundi.

Önnur lota

2006-09-28T19:07:00.000Z

Afsakið hlé, það er tæp vika frá því að við blogguðum síðast. Við neyðumst reyndar eiginlega til þess að gera það núna. Vorum nefninlega að þrífa kofann og mundi skúraði okkur inn í herbergi. Tölvan var því eina afþreyingin og tilvalið að blogga.
Allt gegnur að óskum, mundi er rétt að klára stóru líffræðiritgerðina sína um keilur og stafi.
Við ákváðum að starta annarri lotu af hver er maðurinn. Við spyrjum því í annað sinn HVER ER MAÐURINN?

Þrír dagar

2006-09-22T19:46:00.000Z

Hvern hefur ekki dreymt um að eiga þriggja daga helgi?
Mig hefur allavega dreymt um það í langan tíma og nú er raunin sú að ég hef þriggja daga helgi. Föstudagur er nú orðin svona eins og for-laugardagur.
Þetta er ekki eins gott og það hljómar. Ég er alveg í vandræðum með þetta. Sá fyrir mér að ég yrði bara dugleg að lesa á föstudagsmorgnum en það er bara svoldið snúið. Sjálfsstjórnin er af skornum skammti og því sef ég ávallt til hádegis ef tækifæri gefst til. Ég les svo í u.þ.b. klukkara en þá kemur mundi heim úr skólanum og þá er sko komin föstudagur og maður lærir ekki á föstudögum, allavega ekki föstudagseftirmiðdögum. Samviska mín fær því ótal bit það sem eftir lifir dags því einhvernvegin virðist það virka þannig að þegar maður hefur farið í skólann um daginn þarf maður ekki að vera jafn duglegur og þegar maður hefur bara sofið. Skrýtið.

En að öðru. Sjónvarpsstöðvarnar fjölmörgu sem við fengum um daginn hafa þann skrýtna eiginleika að liturinn dettur út og sjónvarpið verður svona svart-hvítt með grænni slikju, sérstaklega þegar eitthvað skemmtilegt er á dagskrá. Þetta er mikið pirrandi en við tökum þessu eins og öðru með stóískri ró. Hef t.d. ekki séð Boga í lit í langan tíma og er farin að sakna þess svolítið.

Háskólinn býður manni upp á fríkeypis drykkjarföng hverja helgi og þ.m.t þessa helgi. Í kvöld er tilefnið opnun nýrrar vefsíðu. Við ætlum því að hittast hér á Káranum nokkrir stjórnmálafræðinemar og skella okkur svo í bæinn og hafa það skemmtilegt.

Þetta verður þá ekki lengra að sinni

2006-09-18T16:29:00.000Z

Þetta var nú aldeilis skemmtilegur leikur og þakka ég öllum þeim sem tóku þátt.
Helga Þórey bar þó sigur úr bítum og leifðum við henni að velja sér verðlaun.
Hún valdi pizzuveislu og samverustund með íbúum kárastígsins og verða verðlaunin veitt í kvöld.

Það kom til mín maður áðan og setti fullt fullt af sjónvarpsstöðvum í sjónvarpið þeirra tótu og matta. Okkur ætti því ekki að leiðast þó svo við séum ekki með nefið ofan í bókum allar stundir en okkur hættir til við að vera það:)

Helgin leið voða hratt og eyddi ég lunganu úr laugardeginum við gróðursettningu sem kostaði mig massamarblett á kálfan. Vegna þess er nú ennþá erfiðara að labba þennan 90 gráðu halla sem liggur á leið minni heim úr skólanum. Mig dreymir því um að kaupa mér mótorknúið farartæki, kannski hlaupahjól til að komast leiðar minnar. Hættan er nefninlega við því að ef ég fer á hjóli þá endi ég á höfðinu úti á miðri miklubraut fyrir utan það að drífa ekki heim. En ég læt tvo jafnfljóta duga enn um sinn.

Við látum þetta duga í bili
Hildur og fiðurféð á Kára

Loforð er loforð

2006-09-13T14:38:00.000Z

Við vorum netlaus sem olli þessari seinkun á bloggi, biðjumst velvirðingar á því.
Skólinn er kominn á fullt hjá okkur báðum og er það bara hið fínasta mál.
Flestir kúrsarnir mínir eru skemmtilegir en sumir eru leiðinlegir, bara svona eins og gengur og gerist.
Ég er búin að fara í eina nýnemaferð og varð það bara hin fínasta skemmtun. Ég missi hins vegar af fyrstu vísindaferðinni minni sem verður á föstudaginn vegna þess að ég er að fara að gróðursetja á suðurlandi fyrir Hersi. Gaman af því.
Mundi er nú búin að busa nýju mr-ingana og skella sér á reif busaball en var þó ekki nægilega hugaður til þess að fara í tóka.
Við ætlum að prófa að fara í smá leik. Hann heitir hver er maðurinn. Verðlaun verða í boði og allir hafa færi á því að taka þátt hvar sem þeir eru í heiminum. Við látum þetta ganga þannig fyrir sig að þið komið með spurningar svo verðum við dugleg að koma inn og svar þeim.
Hver er maðurinn?
Kveðjum í kútinn Hildur, Mundi, Míló og Nancy

Nýtt og betra útlit

2006-08-28T16:57:00.000Z

Ég lofaði víst í síðustu færslu að nú væri bloggið komið á fullt. Ég betrumbætti því útlitið. Hvernig líst ykkur á það?
Ég er nú flutt til Reykjavíkur og finnst æðislegt að eiga nokkra frídaga til þess að spóka mig um í miðborginni.
Skólinn byrjar svo á fimmtudaginn sem verður vonandi skemmtilegt. Veit samt ekkert hvað bækur ég á að kaupa en hún Þórhildur ætlar að aðstoða mig við það og vonandi kemst ég í bækur hjá fyrverandi stjórnmálafræðinemum.
Við ætlum svo að kíkja í bíó í kvöld á Thank you for smoking og öllum er velkomið að koma með.
Kveð í kútinn, erum að horfa á Beverly Hills sem orsakar mikinn aulahroll

Sumarlok

2006-08-25T19:29:00.000Z

Ég hef gefist upp á því að bíða eftir Munda og tek það bara í mínar hendur að gera upp sumarið og hefja veturinn. Núna er sumrinu sem aldrei kom, formlega lokið og skólarnir byrjaðir og þar með komin vetur. Ég er samt ekki byrjuð ennþá og þykir það vera furðuleg tilfinning að sjá alla labba í og úr skóla, allir búnir að kaupa bækur og byrjaðir en ég bara ennþá úti að raka. Hlakka því mjög mikið til að byrja líka og er mjög fegin því að hafa ákveðið að fara strax í skóla. Þó svolítið óttablendin tilfinning.
En nýr vetur þýðir nýtt fyrirkomulag á Kárastígnum (hefur allavega gert það síðustu fjögur ár). Í vetur verðum við Mundi ekki þrælar heldur höfum við þræl. Hann Óskar ætlar að flytja inn til okkar og þar sem hann er að læra kokkinn mun hann algjörlega sjá um eldhúsið í hósiló.
Tóta og Matti eru svo að flytja til UK og fáum við því ýmist nýtt í höllina sem mun nú líta betur út en nokkru sinni fyrr. Míló sem bjó einu sinni hjá okkur mun líka koma til baka og ein vinkona hanns með honum. Kárastígurinn mun því brátt fyllast af lífi og fjöri og allir velkomnir að kíkja í kaffi og með því.

Ég ætlaði víst líka að gera upp sumarið en tel það vera óþarfa þar sem lítið sem ekkert hefur á daga mína drifið á þessu ótrúlega stutta sýnishorni af sumri.
Loforð um að hér með sé bloggið komið á fullt, þangað til næst
Hildur sem vann síðasta vinnudaginn í dag :)

Bráðum kemur blogg

2006-08-14T20:14:00.000Z

Mundi kemur heim frá Tyrklandi á morgun svo hann bloggar brátt

Afsakið biðina

2006-07-04T16:16:00.000Z

Það er óhætt að segja að það er skömm af því hversu langt hlé hefur orðið á þessu bloggi, það gerist ekki aftur.
Í dag gefst þó kjörið tækifæri til þess að blogga, ég hætti fyrr í vinnu vegna veðurs, blaut í gegn, með naglakul ætla ég því að reyna að setja ykkur inn í það sem gerst hefur síðustu vikur.
Ég útskrifaðist og fékk rosa fína veislu og fullt af frábærum gjöfum, takk fyrir mig. Ég fór til útlanda að sækja hana Gússu systur heim og taka hana heim. Þetta var prýðisvika með sólskini og frábært upplifelsi.
Sumarið er svo byrjað, samt varla, það er alltaf rigning sem er mjög pirr. Ég er byrjuð að vinna úti og þá er og rokið ennþá meira pirrandi.
Ég er líka búin að skrá mig í stjórnmálafræði í HÍ í haust og hlakka rosa mikið til þess að flytja aftur á Kárastíginn minn og byrja í skólanum, get varla beðið.
Það hefur nú eflaust eitthvað fleira gerst sem gleymist bara í augnablikinu, rifjast kannski upp síðar.
Annars á ég nokkrar myndir frá veislum og útlöndum sem enn eiga eftir að komast á netið en við skulum bíða eftir næsta rigningardegi með það
þangað til hafið það gott

Alveg í ruglinu á síðustu metrunum!

2006-05-21T23:50:00.000Z

Ég klár þett stúdpróf eft minn en tólf tím!
Nú er ég rétt að detta í sumarfrí, þvílík gleði, ánægja, spenna, stress, vitleysa, rugl, stærðfræði, fáránlegheit og þar fram eftri götunum.
Nú get ég ekki meira, það er bara lífsins ómögulegt að leggja 100 sannannir og 50 skilgreiningar á minnið og fyrir utan það að kunna trilljón dæmi.
Ég hef því formlega gefist upp á síðustu metrunum, kannski það sleppi nú.
Er samt að hugsa um að prófa að hringja upp á skrifstofu klukkan átta á morgun og segja mig úr skólanum, svona nokkrum mínútum áður en prófið byrjar. Þá væri ég líklega búin að skrá nafn mitt á spjöld sögunnar, eða sögu þessa skóla. Það væri sko húmör.
En mig þyrstir í að vita hvort maður sé orðinn vitlaus og eigi erindi á vitlausraspítala ef maður er farin að tala við sjálfan sig heilu og hálfu dagana og gera svo alls kyns vitleysu sem heilbrigt fólk gerir e.t.v ekki.
Hef nefninlega verið í einangrun á Káranum þessa helgi, eða síðan á fimmtudag og dundað mér við stærðfræðina og talað við sjálfan mig. Voða spes.
En á morgun, já á morgun er loksins kominn 22. og þá mun rúmlega mánaðar törn minni í prófum ljúka.
Nú ætla ég samt að lesa smá meira og athuga hvað gerist með geðheilsu mína
Verið þér sælir herra jeremí

Skelfing sniðugt

2006-05-16T23:36:00.000Z

Já maður spyr sig, afhverju erum við ekki sofandi þar sem við erum ekki að læra. Jú það er af því að við erum bæði skelfingu lostinn. Það stafar af því að Hildur sat við stofuborðið og alveg búin að sökkva sér ofan í Gunnarshólma (ljóð eftir Jónas Hallgrímsson) og Mundi situr og spjallar við múttu sína, svo leggur hann tólið á og spyr Hildur ertu með kók. Hildur alveg komin í Rangárvallasýsluna í huganum tautar nei. Hildur er svo rétt að setja punktinn við hólmanum þar sem Gunnar snéri aftur þegar púði kemur fljúgandi á fullri ferð. Þá kemur að því sniðuga hann skall beint á hálfslíter tuborg (árborg) glas fullt af vatni með þeim afleiðingum að vatn slettist út um allt og glerbrot flugu um alla stofuna. Svipurinn á Munda var alveg óborganlegur þegar hann gargaði með grátstaf í kverkunum ÞÚ LAUGST. En snilldin við þetta er sú að með þessu áframhaldi þurfum við aldrei aftur að vaska upp.
Af öðru leyti er allt gott að frétta af Káranum. Mundi er á hnjánum að skúra og klárar nú senn prófin. Síðasti lærudagur hans er í dag og hefur hann tileinkað morgundaginn þrifum.
Dyrabjallan er biluð aftur, þessi bilun er heldur verri þar sem hún bitnar á okkur sjálfum en ekki gestum. Síðast þurftu gestir bara að hringja á undan sér eða gera vart við sig með öðrum hætti. Nú þurfum við aftur á móti að hlaupa á harðaspretti niður allar tröppurnar og hleypa fólki inn þar sem lyklatakkinn á dyrasímanum er hættur að virka sem skyldi. Vesen
En jæja nú er komið að ferðalokum.
Verið þið sæl

Eftir viku...

2006-05-15T11:06:00.000Z

Já, eftir viku eru þessi próf liðin tíð. Eftir nákvæmlega viku verð ég líklega að ganga út úr munnlegu stærðfræðiprófi og þar með að ljúka skólagöngu minni í bili. Ótrúlegt hvað þetta hefur allt liðið ótrúlega hratt. Finnst eins og ég hafi byrjað í gær.
Hef ekki lesið orð um helgina,sem er nokkuð slæmt. Ég er nefninlega að fara í munnlegt íslenskupróf á fimmtudaginn og er ekkert mjög klár í svoleiðis stússi, að túlka eitthvað og svoleiðis vesen. Því verð ég nú að koma mér í gírinn aftur og klára þessa viku sem virðist þó vera óyfirstíganlegt verk.

Leiðindarfrétt þetta með Eyþór. Við verðum þó bara að vona það besta, að fólk gangi til kosinga og kjósi málefni. Sjálfstæðisflokkurinn í árborg býður enn fram sterkan lista, þrátt fyrir þetta atvik. Flokkurinn talar fyrir góðum málefnum og ég held því að staða hans í árborg sé enn sterk. Því verður þó ekki neitað að þetta atvik hefur eflaust einhver áhrif en við skulum vona að þau verði sem minnst.

Heyrumst eftir viku, þá mun mikil gleði ríkja og bjartari tímar framundan

Það sem okkur leikur hugur á að vita

2006-05-07T22:10:00.000Z

Gaman væri ef einhver sem þvælist hingað inn gæti svarað nokkrum spurningum sem hafa vaknað upp í kollum okkar núna í prófalestri.
Eru allir fílar gráir? eru ekki til brúnir fílar?
Hvert er pH gildi gúrku?

Þetta er svona það sem við höfum verið að velta fyrir okkur í dag.
Það er búið að vera virkilega gott veður í höfuðborginni í dag. Við stálumst því út í smá göngutúr settumst fyrir utan brennsluna og fengum okkur kók og sleiktum sólina, það er nefninlega alveg að koma sumar. Mikið verður þetta gott sumar, við ætlum að gera allt sem okkur langar til og vera alltaf úti í góða veðrinu og að skemmta okkur meira en góðu hófi gegnir. Mundi fer svo til Tyrklands og Hildur til Bretlands. Einhvernvegin er allt skemmtilegt nema að læra og freistingar í hverju horni. Heppilegt hvað við höfum gífurlega góðan sjálfsaga, enda þekkt fyrir það.
Það sem er skemmtilegast við þennan dag er að eftir nákvæmlega tvær vikur get ég sagt: "á morgun ætla ég að..." og endað setninguna svo á einhverju skemmtilegu.

Jæja nú get ég bara ekki bullað meira og því komin tími til að fara að drekka í sig smá fróðleik.
Verið þið sæl að sinni og njótið góða veðursins
KS. á Kárastíg

Góðan og blessaðan...

2006-05-03T21:47:00.000Z

Oft er þörf en nú er nauðsyn. Hver vill koma og vera húsmóðir á Kárastígnum? Frítt uppihald og allur pakkinn ókeypis. Þarf bara að þrífa, vaska upp og elda, ekki verra ef sá hinn sami kann eitthvað örlítið fyrir sér í pípulögnum og er heldur fyrirferðalítill.
Prófin komin á milljón hjá Munda núna svo nú erum við tvö til þrjú alveg í mongólítanum á Káranum. Voða gaman og mikið stuð. Höfum meira að segja að notað stuðgleraugun (af Holtsgötunni) óspart. Við höfum fundið upp á ótal leikjum fyrir fólk sem vill gera eitthvað skemmtilegt en líta út fyrir að læra. T.d. orðabókaleik, spurðu út úr stæðfræðireglum leikurinn, metingur um blaðsíðutal, syngja leiðinleg lög og láta aðra fá þau á heilann, sá vinnur sem kemur með leiðinlegasta lagið. Velja prófalög, endilega komið með hugmyndir, fara skriffærastríð o.m.fl.

Úffalapúff

2006-04-27T22:44:00.000Z

Er ekki kominn tími á smá raus. Ég hef ekki enn sett inn myndir af dimmision. Ástæðan er sú að tölvan mín er svo ansi hæg að ekki hefur gefist tími né þolinmæði til þess að kveikja á henni.
Allrasíðustu dagar hafa einkennst af einstökum leiðindum. Þannig er mál með vexti mér er skylt að mæta í íslenskupróf á föstudaginn, semsagt á morgun. Undirbúningur fyrir þetta próf felst m.a. í því að lesa tvær bækur eftir hinn ótvíræða frumkvöðul leiðindanna Heimir Pálsson. Það gekk þó og get ég þakkað meðlimum stórkostlegu hljómsveitarinnar Sigurrósar fyrir það en tónlist þeirra hljómaði í eyrum mér þann langa tíma sem ég var að berjast í gegnum þetta blaður.
Ég mun taka gleði mína á ný (vonandi) þegar þessu prófi er lokið á morgun. Aldrei hef ég hlakkað jafnmikið til þess að sitjast niður fersk með reiknivél í hönd og reikna nokkur vel valin dæmi.
Þessu fer nú samt senn að ljúka, hálfnuð verð ég frá og með morgundeiginum. JEIJEIJEI
Senn kemur að síðasta stúdentsprófi, þá útskrift og svo sumar í allri sinni dýrð.
En ég veit ekki hvort ég muni hafa þetta allt saman af svo ef þessi próf ríða mér að fullu er gott að vita að:
Deyr fé,
deyja frændur,
deyr sjálfur ið sama.
En orðstír
deyr aldregi
hveim er sér góðan getur.

Annars er ekkert fleira að brjótast um í mínum oftroðna kolli svo þangað til næst
Bless kex

...og fleiri

2006-04-06T20:02:00.000Z

Ég er rosa dugleg að taka myndir og setja á netið. Ég var að setja inn myndir af síðasta skóladeginum mínum. Hann er semsagt búinn sem er mjög skrýtið. Sá hópur gamalla MR-inga sem skoðar þessa síðu fær e.t.v örlitla nostalgíu þegar það skoðar þær. Ég stalst meira að segja niður í kolakjallarann og tók myndir þar svo fyrir þá sem aldrei fóru þangað, nú vitið þið hvað þar er að finna.

Myndir

2006-04-03T23:13:00.000Z

Nú er ég loksins orðin fullorðins. Ég hélt afmælisveislu hér á Kára síðasta laugardagskvöld og er nú búin að henda inn myndum úr partýinu. Ég skemmti mér rosa vel og fékk fullt fullt af allskyns frábærum gjöfum. Takk fyrir mig.
Svo er það bara dimmisjó á föstudaginn, er farin að hlakka mjög til.
Skrifa meira næst
bleble

2006-03-20T22:55:00.000Z

sælir lesendur, þ.e.a.s. Þórhildur, ágústa, tóta og sigga moster, (ath. ekki mamma eða sigga nei sigga moster, þú ert ekki mosterið mitt!)
Við ætlum að efna til keppni. Hver getur bakað flestar pönsur og komið þeim til okkar fyrir föstudaginn og skúrað á meðan við borðum. Verðlaun í boði.
Verðlaunin eru sultutau sem er innligsa í ískápnum okkar, auk forlátrar fötu með apríkósumarmelaði. Við myndum baka pönsurnar sjálf en handþeytarinn finnst ekki þannig að þetta er eina leiðin til að fá pönsur. Auk þess er pönnsupannan okkar notuð í til annars brúks, lufsugerðar. Pönnsurnar hennar röggu moster, samt ekki mosterið hennar hildar (það er sigga moster) voru samt mjög góðar og lystugar að Hildar sögn.
Einnig viljum við nota tækifærið og skora á fólk í Buzz kepni, nema tótu og matta því þá taka þau buzz kannski með sér heim, eftir keppni. Í leiðinni mætti koma með mjólk til að hafa með pönsunum sem sá sem vinnur þá keppni kemur með.
Ef svo ólíklega vill til að einhver sem ekki hefur verið nefndur hér að ofan les þetta má hann líka vera með í keppnunum. Og kommenta, og kommenta, og kommenta. ´Já heyrirðu það MAMMA farðu nú að kommenta meira, á mig ekki bara Sigga moster e-ð að tuða í hildi. (Ágústa: Afhverju má ekki segja sigga frænka, bara sigga moster? Og hvað er svona merkilegt við að segja Júlli frændi?? (ath. tóta, tek upp hanskann fyrir þig, ég er nefnilega vinur litla mannsins.)en já Gústa nú þarf svör!!)
LÚLÚ TESI. kv. mundi og hildur.

Myndir

2006-03-11T14:39:00.000Z

Nú er ég á Eyrarbakka svo að ég get loksins hent inn myndunum sem ég lofaði fyrir löngu.
Fiðluballið var á fimmtudagin og var það bara stórskemmtilegt. Allir voða voða fínir og duglegir að dansa. Svo var gengið í kringum tjörnina og var ég næstum búin að missa allar tærnar í þeim hring. Við enduðum svo kvöldið á því að taka limma nokkur saman sem átti vel við og var góður endir á góðu kveldi. Sigga moster var svo séð að senda Munda í bæinn með myndavél og lánaði mér hana á ballið svo að ég set líka myndir af ballinu inn.
Annars er ekkert í fréttum svo þangað til næst
bless kex

Nýjungar

2006-03-06T16:13:00.000Z

Nú er nóg komið að væli, hér set ég mörkin og ekkert væl meir. Dagurinn í dag hefur verið vægast sagt frábær til þessa. Mánudagur vei vei vei. Nú hefur vetur konungur tekið yfirráð yfir borginni okkar og vorið þurft að víkja. Hann gerði þetta vel og sendir á okkur rok og úrkomu í formi snjós og rigningu. Þvílík fjölbreytni og frábærlegheit. Hvað er betra en að koma hundblautur heim úr skólanum og jú ekki enn búið að taka til eftir partýið á laugardagiinn.

Nokkuð merkilegar nýjungar komu upp hér á laugardaginn. Nýr partýmatur sem er sérlega einfaldur og snirtilegur og næstum ekkert uppvask fylgir honumm. Einn galli er þó við þennan mat að hann er ekki girnilegur og þaðan af verra ekki góður. Nýjungin er semsagt fiskibollur í dós, borðaðar kaldar beint úr dós með gaffli. Skrýtð hvað fólki dettur í hug. Gaman samt þegar vondir hlutir eins og þessi matur getur valdið þvílíkri lukku. Allir voru glaðir og ánægðir og skapaðist góð stemmning í kringum dósina þar sem hver og einn fékk sinn gaffal

Smá væl (erfitt líf)

2006-03-02T23:36:00.000Z

Ég efast ekki um að allir hafi átt svona dag þar sem margir leiðinlegir hlutir hlaðast á og ekkert virðist ganga upp. Ég átti svoleiðis dag í dag.
Eftir langa og stranga dansæfingu fyrir fiðluball í gærkveldi (þar komst ég að því að fiðluballið verður flókið ball) kom ég heim og átti þá eftir að fínpússa tvo fyrirlestra. Ég gerði heiðarlega tilraun til þess að klára þá en þar sem HANDBÓK UM RITUN OG FRÁGANG ER TÝND þurfti ég að leggja lokahönd á þetta í dag.
Ég vaknaði því óvenju snemma í morgun eftir afar stuttan blund. Vansvefta skrölti ég í skólann klyfjuð töskum og var fremur kallt í borginni. Ég ákvað að klára þetta fyrir fyrsta tíma og fór því í tölvuverið (fékk handbók um ritun og frágang á íþöku). Í gamla skólanum mínum eru lélegar tölvur, það tók mig u.þ.b. korter að logga mig inn og kveikja á my computer og ég fékk engann stól í tölvuverinu. Ég rétt náði að gera heimildarskrá þegar hringt er inn í fyrsta tíma. Ansans vesen ég á að flytja fyrirlestur núna! Ég flýti mér að prenta eitt eintak og hleyp (enn klyfjuð töskum) inn í stofu. ÆÆÆ, tölvan í stofunni er biluð svo að ég get ekki sýnt powerpointshowið sem ég hafði eytt miklum tíma í kveldið áður. Fyrirlesturinn gekk að öðru leyti ágætlega.
Þá víkur sögunni að næsta leiðindaratburði. Leikfimiprófi, ætlast var til að ég gerði 40 armbeygjur á hnjánum. Ansans vesen ég get það bara ekki. Ég reyndi þó alveg þar til ég var komin með dofa í handleggi og olnbogar neituðu að beygjast, náði 36 armbeygjum. Eftir þessa þrekraun var ég aðframkomin og hafði íþróttakennarinn minn orð á því að aldrei fyrr hafi hún séð nokkurn svona illa leikinn eftir armbeygjupróf. Ég geri því ráð fyrir upphækkun fyrir viðleitni. Eftir þetta var það svo áfram baslið með heimildarskrá og útprentun seinni fyrirlesturins. Ekki ætlaði þetta að ganga klakklaust fyrir sig. Lömuð í höndum og með takmarkaða getu til öndunar fór ég í annað sinn í tölvuverið. Nú var prentarinn bilaður, ég þurfti því að fara upp marga marga stiga upp í þingholt að prenta. Það hófst að lokum. Skóladagurinn var ágætur eftir þetta. Heim kem ég svo eftir þennan erfiða dag og nei, ekki frí, líffræðipróf á morgun. Eftir að hafa setið lengi og lært ætlaði ég að hressa mig við og horfa á mr vinna í gettu betur. Það fór ekki vel, við töpuðum og aftur inn í herbergi, enn óhressari að læra kortlagningu heilans, hvar býr skynsemin í heilanum? Nú hef ég þó gefist upp viss um að það vanti nokkra hluta í heila minn. Ennþá vissari um að taugar þær sem eðlilegt fólk hefur í höndum eru verulega skaddaðar í mér.
Með dofnar hendur og olnboga sem aðeins beygjast í 30 gráður kveð ég að sinni og hlakka óstjórnlega til helgarinnar.
Efast um að nokkur maður hafi nennt að lesa þetta til enda. Ágústa hefur reynt að fá mig til þess að semja sögu, en í stað þess að gera það set ég hér inn sanna raunarsögu. Þetta er semsagt fyrir hana.

Áskorun

2006-02-20T21:23:00.000Z

Eiríkur már skoraði á okkur að telja upp ýmsa hluti sem við höfum gert um æfina. Hann gaf okkur reyndar þann kost að rífast um hvort okkar myndi gera þetta. Þar sem við höfum lifað afar líkum lífum ákváðum við bara að gera þetta í sameiningu. Svo:

4 STÖRF SEM VIÐ HÖFUM UNNIÐ UM ÆVINA:
hreppurinn
ísfold
skaftafell (ýmislegt)
póstmeistari (mundi)

4 BÍÓMYNDIR SEM VIÐ GÆTUM HORFT Á AFTUR OG AFTUR:
Djöflaeyjan
Guðföðurinn
Love Actually
Heimavideoið síðan 2. maí 1992

4 STAÐIR SEM VIÐ HÖFUM BÚIÐ Á:
Eyrarbakki
Reykjavík
Skaftafell
Ekki búið á fleiri stöðum

4 SJÓNVARPSÞÆTTIR SEM OKKUR LÍKAR:

Friends
O.C
Kastljósið
Fréttir

4 STAÐIR SEM VIÐ HÖFUM HEIMSÓTT Í FRÍUM:
Danmörk
England
Krít
Hrífunes

4 SÍÐUR SEM VIÐ SKOÐUM DAGLEGA:
postur.mr.is
mbl.is
fotbolti.net (mundi)
leikur1.is

4 BÆKUR SEM VIÐ LESUM OFT:

Litli læknissonurinn
Chemestry the central science
Inquiry into life
Morkinskinna

4 STAÐIR SEM VIÐ VILDUM HELDUR VERA Á NÚNA:

Eyrarbakki
Kaupmannahöfn
Torino (vetrarólympíuleikarnir)
Í kaffi og meðþví við eldhúsborðið okkar

4 EINSTAKLINGAR SEM VIÐ SKORUM Á AÐ GERA ÞETTA:
Ágústa, Þórhildur, Óðinn og Pálmar

Ákvarðanir

2006-02-15T16:35:00.000Z

Ég er nú farin að hallast að því að það að taka ákvörðun sé það erfiðasta í heimi (ef ekki geimi).
Ég hef nú ekki þurft að taka margar stórar ákvarðanir í lífinu en hef þurft að taka margar litlar. Þó hafa allar þessar stóru, eins og í hvaða skóla á að fara o.fl. slíkt verið mjög erfiðar og næstum ákvarðast af hlutkesti á elleftu stundu.
Nú er komið vorhlé, gaman af því, og ég komin í helgarfrí frá og með núna.
Vorhléi fylgir árshátíð og árshátíðardagur. Ég átti í miklum erfiðleikum með að ákveða hvað gera skyldi í fríi þessu. Coverband fyrir Bítlana sem heitir DET BETALES og kemur frá Norge leikur fyrir dansi sem hljómar mjög skemmtilega. Ég ákvað þó í dag að sleppa þessu og slappa af fram á föstudag. En nú er ég með nagandi samviskubit yfir því að ég gæti hugsanlega verið að missa af einhverju skemmtilegu....þetta er nú síðasta árshátíðin.
Þetta lýsir kannski erfiðleikum ákvarðanatöku.
Mín bíður nú enn erfiðari ákvörðun, hvað skal gera næsta haust? Ég hef ekki hugmynd hvað mig langar að gera, er að hugsa um að fara bara í HÍ til þess að gera eitthvað. En hvað mig langar að læra er enn mjög óljóst. Ákveður maður svona hluti með hlutkesti á elleftu stundu? Væri ekki bara best ef einhver myndi taka þetta að sér og segja mér hvað gera skal og ég skal næstum lofa að hlýða.

Síðustu helgi komu Rúnar og Ívar í orlof á Kárastíg og fannst mér það afar gaman. Við spiluðum mikið af BUZZ sem er uppáhlads núna, hann er fáránlega skemmtilegur :)
Við fórum einnig upp í hallgrímskirkjuturn. Ég fann fyrir þvílíkri ónotatilfinningu bara við það eitt að vita að ég væri svona hátt uppi sem er svolítið fáránlegt.
En þetta er svosem allt sem mér liggur á hjarta í bili svo:
Góða helgi gott fólk.

Lífið á Kára

2006-02-08T20:15:00.000Z

Við erum soltin
Helga er oltin
Óskar er boltinn
Það sér yfir holtin

Hverjir eru bestir í faginu? Stuðmenn
Hverjir fara næstum aldrei út af laginu? Stuðmenn

Jæja nú skulum við hætta þessari vitleysu.
Við eigum samt engan mat :( Kjötfassið var ónýtt, annað skiptið í röð.
Hvað gerir maður þá?
Jú, maður fer upp í sveit á puttanum (eigum ekki bíl)
Nær sér í kind (eigum ekki kind)
Fer heim með kindina á puttanum
Slátrar kindinni með ikeahníf
býr til slátur úr kindinni
Setur slátrið í pott (eigum ekki lok)
Sýður í vatni
Búum til uppstúf (mylsna í smjörinu)
Setur mjólk í glös (eigum ekki mjólk)

Sem sagt, það eina sem við getum gert er að vaska upp eftir matinn (eigum bursta og þvottalög)

Gerum okkar besta...

2006-02-01T19:24:00.000Z

Heil og sæl gott fólk.
Mikið var gaman að vera Íslendingur í gær. Ekki að það sé eitthvað sérstaklega slæmt í dag. En í gær var það betra. Við tókum Rússa og sýndum þeim hvar Davíð keypti ölið með mikilli gleði og ánægju. Ég kríaði meira að segja út frí í sálfræði til þess að sjá leikinn og var það vel þess virði. Strákarnir okkar stóðu sig eins og hetjur og eiga þeir hrós skilið.
Í dag mættum við svo heimsmeisturum og ólympíumeisturum króötum. Þá fór gamanið aðeins að kárna en þeir stóðu sig með prýði strákarnir og sýndu að við eigum eitt af bestu handboltaliðum heims. Nú er bara að vona að allt fari á besta veg við vinnum norðmenn og aðrir leikir fari eins og við viljum og við förum í undanúrslit.

En alveg finst mér merkilegt hvað allir Íslendingar verða miklir Íslendingar þegar stórmót í handbolta standa yfir. Allir flykjast saman hvetja sína menn til dáða og eru vissir um að við séum bestir í heimi og getum allt.
Aftur á móti er líka merkilegt hvernig allir missa móðinn segja að strákarnir okkar séu ömurlegir og geti ekkert og að Íslendingar hafi aldrei getað neitt í íþróttum ef við töpum. Skrýtið hvernig einn bolti og smá net getur haft þessi áhrif á fólk.
Ég er þó engin undantekning og mun reyna að beita brellibrögðum til þess að fá að sjá leikinn við norðmenn þó svo að hann sé inn í miðri stundatöflu á morgun.

En þá af þorrablóti. Mikið var gaman og stóðu allir sig með stakri prýði sem fram komu á þessu blóti. Toppurinn var svo að Mundi litli sambýlismaður minn var valinn formaður næstu skemmtinefndar og ekki nóg með það heldur er Helga Þórey líka í nefndinni, þetta verður gaman að sjá.

Ég fékk eina myndavél til umráða síðustu viku og tók myndir af gestum og gangandi. Ég ætla því að reyna að henda hér inn nokkrum myndum, hef þó ekki þorrablótsmyndir eins og svo margir aðrir

Þangað til næst
Farvel

Slæmar og góðar fréttir

2006-01-19T23:07:00.000Z

Er hægt að vera endalaust óheppin?´
Það gerðist í snemma í september að gleraugun mín sviptust af mér lentu á götunni, stigið var á þau og þau eyðilögðust.
Það varð úr að ég þurfti að kaupa mér ný.
Gleraugun mín eru því ekki gömul. Í dag fór ég svo í fótbolta í hljómskálagarðinum í leikfimitíma. Það vildi ekki betur til en boltin fór í mitt fés og gleraugun mín brotnuðu. Ég þarf því aftur að kaupa mér ný gleraugu á innan við ári, vesalings ég.

En nú er komið að góðu fréttunum. Við Mundi töluðum við nokkur fólk sem hafði áhuga á því að leigja með okkur í dag. Allt voru þetta útlendingar ein frá póllandi, einn frá kína og einn frá danmörku/noregi.
Eftir viðtölin vorum við ekki mjög kát og sáum að erfitt væri að búa með ókunnugu fólki.
En þar sem við mundi erum svo heppinn að eiga góða að komumst við að því að við getum búið hér ein það sem eftir lifir vetrar.
Gleðiefni mikið er það.

Við erum því með eitt herbergi laust sem við vitum ekki hvað eigi að gera við annað en að geyma handklæðin þar.
Kannski, skrifstofu, leikherbergi með bílateppi, dúkkuhúsi playmo o.fl. eða jafnvel bara gestaherbergi eða saumaherbergi.
Hvað finnst ykkur nú sniðugasta hugmyndin, eða dettur ykkur eitthvað annað í hug?

Frábæri Kárastígur

2006-01-17T20:33:00.000Z

Þó svo að hér hafi í síðasta bloggi fyrir ykkur erfiðleikum kommúnulífs verið lýst má ekki gleyma hversu frábær Kárastígurinn er.
Hann er staðsettur í hjarta borgarinnar og er algjör óþarfi að fara út úr 101 til að lifa ágætislífi. Þetta þýðir að allt er í göngufæri sem er bæði holt og ódýrt.
Fólkið sem hér hefur hlotið aðsetur og mun að öllum líkindum búa hér áfram, hildur og mundi (litlir þrælar) erum afar gamansöm og oft þarf lítið til að kæta kárabúa.
Hér er aldrei nein lognmolla og alltaf í nógu að snúast, þó svo að alltaf sé einnig tími til þess að slaka á. Allir geta skemmt sér saman yfir sjónvarpinu, spilum eða spjalli og með því í eldhúsinu. T.d. er í gangi þessa dagana rommíkeppni sem er stórskemmtilegt dundur svona í skammdeginu. Þrifnaðarmálin eru góð (þökk sé liddu). Alltaf er skemmtilegt að sjá munda með klósettbustann á lofti að raula madonnnu og er hann ólatur við þennan iðnað. Nóg er plássið og andrúmsloftið er stórmagnað og skemmtilegt hér á Kára.
Pistill þessi er ekki eingöngu ritaður til þess að upphefja sjálf okkur heldur aðallega til þess að benda fólki á þá staðreynd að nú hefur losnað eitt herbergi í þessu góða húsi og býðst það til leigu fyrir þá sem vilja búa með þessu sómafólki sem við erum. Nú er bara að grípa tækifærið og upplifa hluti sem ekki allir fá að upplifa.
Matti ákvað nefninlega að flytjast til danaveldis á vit örlaganna og verður það eflaust gaman.

Viðburðarík helgi

2006-01-16T21:10:00.000Z

Þessi helgi einkenndist af djammi og sofandi dögum.
Á föstudaginn var haldið í innfluttningspartý hjá Ásu og Ellert og var það stórskemmtilegt. Við komum reyndar svoldið seint því aldrei gátu allir verið tilbúnir í einu. Við komumst þó að lokum á leiðarenda, ég, helga, biggi og hildur. Leiðarendinn var lengst í burtu í Kópavogi og sáust skíðalyfturnar í bláfjöllum frá svölunum. Þar skemmtum við okkur konunglega og fórum svo í bæinn.
Á laugardaginn lágum ég biggi og helga hér eins og draugar og horfðum á ekkert í sjónvarpinu og átum pizzu. Ég og helga brugðum á það ráð að leggja okkur síðla dags. Ég vaknaði upp með látum um sjö. Djö.. ég á að vera mætt í tvítugsafmæli hjá hönnu eftir klukkara. Það hafðist þó að komast þangað á góðum tíma en biggi og helga komu mun seinna. Svo var farið aftur í bæinn og fór ég í mýflugumynd á skímó en ákvað skynsöm að koma mér heim eftir stutta stund.
Það er svoldill kommúnubragur hér á kára um helgar. Fullt af fólki gisti hér, ýmist á mínum vegum eða matta. Dagarnir einkennast svo af þreyttu fólki liggjandi hist og her um íbúðina að borða take away mat og ganntast yfir gærkveldinu.
Þetta er svosem ágætis fyrirkomulag að öðru leiti en því að allt er hér fínt á föstudegi. Á sunnudagskveldi eru svo allir gestir farnir til síns heima og þú situr ein eftir í drasli og pizzakössum og átt eftir að læra.

Merkilegt

2006-01-15T18:37:00.000Z

Svmkmaæt rnsanókn við Cmabrigde hkóásla þá stkpiir ekki mlái í hðvaa röð stfiar í oðri eru, það enia sem stikipr mlái er að frtsyi og stíasði stinaurfn séu á rtéutm satð. Aillr hniir sfitarnir gtea vireð í aöljrgu rlgui en þú gtuer smat lseið það aðvuledlgea. Áæðsatn fiyrr þsesu er að mnnashgrniuunn les ekki hevrn satf friyr sig hleudr oirðð sem hiled.

Hættið að lesa

2006-01-11T20:46:00.000Z

Ég vil hvetja alla til þess að horfa á Kastljós kvöldsins (annað hvort í endursýningu eða á netinu). Taka ábyrgð og hætta að lesa DV

Annáll 2005

2006-01-04T17:11:00.000Z

Nú þykir enginn maður með mönnum nema að birta á bloggsíðu sinni annál liðins árs svo nú munum við reyna að gera árinu 2005 skil.
-Árinu 2005 var fagnað á dansiballi á Selfossi þar sem Bjórbandið lék fyrir dansi og í Frímanshúsi þar sem drukkið var Wiský.
-Janúar kom sem köld vatnsgusa í andlitið með skólahaldi og öllu sem því fylgir. Við fórum aftur á Kárastíg en þar var margt um manninn fyrstu mánuðina. Þorrablót Eyrbekkinga var haldið þennan mánuðin og sóttum við það bæði tvö.
-Febrúar gekk í garð með slyddu og él. Stuttur mánuður og fátt til tíðinda. Skunduðum við á árshátíð þennan mánuðinn og Þórhildur kom heim og hélt stórskemmtilega útskriftarveislu. Eldhús Kárastígsins var endurgert við góðar undirtektir. Dyrabjallan var biluð þennan mánuðinn
-Ekki dró margt til tíðinda í marsmánuði. Dyrabjallan var þó löguð og lífið gekk sinn vanagang.
-Í apríl var páskafrí, ég hélt afmælisveislu mína. Þá fluttu Tóta og Matti út eftir langa bið. Viið fengum líka nýtt sófasett.
-Í maí voru allir í algjörum prófmongólíta og ekki gerðist neitt markvert í mánuði þessum, við fengum þó nýjan vatnslás meira að segja krómaðann vatnslás.
-Sumarfríið langþráða gekk í garð. Við leigðum Kára litla og fluttumst austur. Ég fékk vinnu hjá hreppnum og Mundi vann í Mollinu. Jónsmessan var haldin og réð gleðin völdum í þessum mánuði. Við ólum mannin að mestu á Háeyrarvöllum 52 í hundalífi þennan mánuð.
-Mundi litli varð sjálfráða í Júlí, grillaður var humar og farið í útileiki af þessu tilefni. Við héldum líka á feiknarskemmtilegt ættarmót.
-Ágúst hófst á þjóðhátíð, auk þess fór ég í fáránlega skemmtilega reisu til Portúgal. Hófst skólahald aftur og settumst við í 5. og 6. bekk
-Í september gerðist sá sorglegi atburður að Friðjón vinur okkar lést. Blessuð sé minning hans. Ágústa lagði land undir fót og fluttist til Bristol.
-Oktober kom og fór og Helga Þórey varð sjálfráða. Hildur fór á árshátíð og Mundi til Þýskalands og til Danmerkur. Þórhildur fluttist aftur til Frankfurt eftir stutta dvöl og Matti flutti inn.
-Nóvember er yfirleitt leiðinlegasti mánuður ársins en þessi var fínn. Fórum í sumarbústað og var það konunglega skemmtilegt.
- Jól og áramót í desember og voða gaman
-Árið var svo kvatt með Dansiballi á Selfossi og í Frímanshúsi
Svona komið gott
Bless Kex

Það síðasta á árinu

2005-12-30T01:40:00.000Z

Þetta er líklega síðasta bloggið á árinu, nema hann mundi hafi eitthvað í pokahorninu.
Jólin hafa gengið í garð og liðið ákaflega fljótt til þessa. Þau hafa verið ósköp góð, matur, góðar og nytsamar gjafir og skemmtilegheit, bara svona eins og jól eru venjulega. Ég hef snúið sólarhringnum gjörsamlega við og er rétt að festa svefn þegar mamma fer til vinnu sinnar. Það fylgir líka jólunum.
Nú fer þó að styttast í næstu hátíð sem er engu síðri, áramótin.
Spurningin er þó hvar og hvernig halda eigi upp á þessi tímamót. Líta má á þessi áramót sem einkar merkileg þar sem þau eru síðustu áramótin mín í tug númer tvö og því mikilvægt að halda vel upp á þau. Væri sniðugt að vera í höfuðborginni eða á maður að halda sig á suðurlandsundirlendinu? Þetta á nú vonandi allt saman eftir að vise sig á næstu dögum.
En ég loka þessu með því að óska öllum lesendum á árinu sem og landsmönnum öllum gleðilegrar jóla og farsældar á nýu ári

2005-12-18T04:42:00.000Z

við erum núna bæði búin, þakka góðar hamingjuóskir
kveðja
litlu þrælarnir

Gleði gleði

2005-12-13T12:11:00.000Z

Húrra, ég er komin í jólafrí, þetta er gleðidagur mikill og ræð ég mér vart fyrir kátínu. Vandamálið er bara að allt sem mig hefur dreymt um að gera hefur misst sjarma sinn. Mig langar ekki lengur að vera heilan sólarhring í mahjong eða bubleshooter. Ég er heldur ekkert þreytt lengur og nenni ekki að fara að taka til sem er bráðnauðsynlegt á þessum bæ akkaurat þessa stundina.
Heimilisstörfin hafa sitið á hakanum undanfarnar vikur og ekki er til eitt einasta hreina glas í húsinu, flöskur og dósir má finna á ótrúlegustu stöðum. Ekki hef ég treyst mér til þess að ná í neinn einasta hlut sem dettur í gólfið af hræðslu við lífríkið sem þar hefur myndast. Mín versta martröð undanfarna daga hefur verið að fá Heiðar og Margréti í heimsókn.
Í dag ætla ég að fara og fá loksins smá jól í augun. Ég ætla að fara niður í bæ og jólast smá, ekki seinna vænna.
Guðmundur greyið er þó ennþá í prófum og þarf hann því núna mikinn andlegan stuðning og vorkunn, verð því að reyna að vera svoldið góð við hann.
En þangað til næst lifið heil :)

Þessi hlýtur að vera e-ð vangefinn

2005-12-09T16:40:00.000Z

Ég var að koma ofana af selfossi. Fór í vöruhúsið og rak augun í bók sem hét: "oojbarrasta, Fúsi varstu að freta"!
Tók svo bókina og fór svona að glugga í hana, endaði svo með að lesa hana alla stóð bara með kerruna á miðjum ganginum í kaupfélaginu og las. Þar til alt í einu kom einhver maður, sem ég held meira að segja hafi verið drukkinn, ef ekki þá vona ég að minnstakosti að hann hafi rennt við í tannburstarekkanum og gripið eins og einn reach með sér. Við áttum svona smá spjall sem var einhvernvegin sona:
Hann:"Hvar átt þú heima?" (svolítið þvoglumæltur og lagði mikla áherslu á þú)
Ég:" Ég á heima á eyrarbakka." og svo snéri ég mér undan og í átt að hillunni svo ég gæti haldið áfram að lesa og einstakasinnum missa útúrmér smá hlátur. Eftir svona tvær bls. kemur gæinn aftur:
Hann:" Er þetta góð bók?"
Ég: "jájá"
Hann: "Ætlarðu að kaupa hana?"
Ég: "nei, það held ég ekki"
Hann:" ertu bara hérna til að lesa?"
Ég: "Já"
Hann:"En þú ert nú líka að kaupa í matinn sé ég"
Ég: "Já"
Hann: "Jájá, ég gat svo sem sagt mér það" og labbaði svo í burtu!
Ég veit ekki alveg hvað maðurinn var að pæla en ef ykkur dettur e-ð í hug þá megiði endilega segja mér það í eins og einu kommenti eða tveimur.
En ég mæli hiklaust með bókinn, ég ætla sko að kaupa hana þessa, þetta verður fyrsta bókinn sem krakkarnir mínir fá að heyra, það verður að viðhalda prumpuhúmornum.
Kv. Mundi.

Hremmingar gærdagsins

2005-12-08T13:52:00.000Z

Þá er þetta búið.
Í gær fór ég að ráðum Gústu og sat við og skrifaði á spjöld til klukkan að verða þrjú í nótt. Tóta og Matti komu við síðdegis með maltkippu, smákökur og nammi til þess að bæta, hressa og kæta. Tókst það með eindæmum vel og unnið var betur og hraðar eftir það. Ég var þó orðin svo súr í lokinn að brandarinn að hafa auðuga önd fanst mér það fyndnasta sem ég hef heyrt. Ég vaknaði svo fyrir allar aldir í morgun efir örsvefn og hóf að lesa glósur úr bókinni sem ég hafði ekki lesið en átti að lesa. Þegar þarna var komið við sögu snerist baráttan við námið aðallega í það að halda augunum opnum og hemja óviðráðanlegan svefngalsa sem tekið hafði sér bólfestu í sál minni. Ég hugsaðu um vísitölu íslenska skáldið sem hóf nám í Lærða skólanum fyrir tilstillan nokkurra velgjörðarmanna, fór svo til Köben í nám en lauk því ekki því hugurinn hneigðist til Bakkusar. Heim var þá haldið og fengist við kennslu eða prestskap. Að lokum urðu þeir svo þunglyndir og dóu.
Ég trítlaði að lokum af stað í prófið með það í huga að lífið er sigling dauðatáknin felast alls staðar og að Ísland er fallegasta land í heimi sem hefur að geyma bestu þjóð heims, sjálfstæði vort er því afar mikilvægt. Ég hafði það einnig bak við eyrað að ef stæði ég á gati gæti ég sagt: "Þetta veist þú nú betur en ég." Líkt og einhver fyrirrennari minn í Menntaskólanum gerði um árið.
Ég kom því í prófið, búin að einsetja mér að hafa gaman af og ég held að þar með hafið ég bjargað þessu fyrir horn og nælt mér í lágmarkseinkunn. :)
Nú er því mál að fara að svala fróðleiksfýsn minni um fellingarhreyfingar og setmyndannir, einnig þarf ég að læra um Jónas Hallgrímsson fjórða daginn í röð, (er hann orðinn einn besti vinur minn í dag).
Takk fyrir lesninguna

Hræðilegar aðsæður

2005-12-07T11:09:00.000Z

Nú er ég að vakna upp við mjög vondan draum. Ráðgert er að ég fari í íslenskupróf á morgun. Ég hef kosið mér það að sofa í öllum íslenskutímum vetrarins, eða ekki einu sinni kosið, ég sofna einfaldlega. Þetta er eitt það leiðinlegasta sem ég hef komist í tæri við. Greining og túlkun ljóða frá íslenskum skáldum á nítjándu og fyrri hluta tuttugustu aldar. Auk þess að hafa sofið í tímunum eða allavega ekki getað haldið athygli hef ég ekkert glósað og engin verkefni gert. Þannig að ég er í vægast sagt mjög vondum málum. Það vantar einfaldlega í mig þann eiginleika að geta túlkað eitthvða sem einhver sagði fyrir mörgum árum rétt og vitað þannig hvað fólk var að meina en gat ekki bara sagt.
Skrýtið finnst mér líka að þurfa taka stökkið frá skemmtilegasta námsefni vetrarins sjálfstæðisbaráttu íslendinga yfir í svona rugl á nokkrum mínútum.
ofan á allt annað þarf ég að lesa leiðinlegustu bók veraldar, bók eftir Heimi Pálsson um kalla og ljóð. Þessi bók er einungis upptalning og tilvitnanir.
Nú hef ég vælt heldur betur og býst við því að þið vorkennið mér og komið með góða leið til þess að bjarga mér út úr þessum aðstæðum.
Það sem toppar allt er að nú er ég að blogga í stað þess að læra

Stofa 4?

2005-12-05T11:26:00.000Z

Maður verður víst duglegur við allt annað en að læra í törnum prófa þ.á.m. blogga.
Stærðfræðiprófið er nú frá og prófin sem eftir eru orðin teljandi á fingrum annarar handar.
Ég er að hugsa um að taka þessa törn létt, ekkert stress því það verður að geymast fyrir stúdentsprófin.
Mig dreymdi um daginn að ég, guðmundur, þórhildur og halli frændi værum að spjalla saman í skólanum á Eyrarbakka. Þar voru allir mættir í skólann vegna þess að enginn hafði klárað hann. Afi var skólastjóri og var hann að deila út stundasrám. Ég,Þórhildur og Guðmundur áttum öll að mæta í matreiðslu í fyrsta tíma í stofu fjögur. Áður en við komumst í tíma kom löggan og tók guðmund.
Ástæða þess að ég er hér að segja frá þessum draumi er sú að við mundi fórum að þræta um hvaða stofa væri stofa fjögur í skólanum. Ef einhver getur bundið enda á þessar þrætur mundi tími okkar eflaust nýtast betur.
Annars er bara allt gott að frétta, Helga kom aftur í orlof um helgina og í þetta sinn bjuggum við til pizzu handa henni (hún varð reyndar svoldið eins og kex).
Ég ætla nú að fara að hvíla augun í smá áður en undibúningur söguprófs hefst.

Þottabalahallæri

2005-11-30T19:28:00.000Z

Nú er þetta allt byrjað, ég er búin með þrjú próf og hefur þetta gengið sæmilega til þessa held ég. Síðasti skóladagurinn í dag og ég á bara sjö próf eftir og þar af eitt sem ég ætla að skila auðu.
En nóg um það.
Enn og aftur lá leið okkar munda í holtagarða. Við ætluðum að kaupa þvottabala vegna þess að okkar er brotinn vegna mikillar notkunar.
En trúið þessu? Það er ekki til neinn þvottabali í Ikea og ekki heldur í rúmfatalagernum! Hvar í veröldinni er þá hægt að kaupa þvottabala? Góðar ábendingar vel þegnar.
Við gerðum þó gott úr ferðinni og keyptum nýtt aðventuljós í staðinn þannig að nú er orðið svaka jóló hjá okkur.
Við erum búin að setja upp seríur (líklega lélegasta uppsetning á höfuðborgarsvæðinu), setja græna peru og síðast en ekki síst föndra stórt stórt prófadagatal.
Toppurinn er svo að Biggi gaf okkur súkkulaðidagatal núna áðan af því að við vorum svo góð að bjóða honum í mat.
Ég ætla því að fara og fleygja á pizzulufsu.
Veirið þið sæl að sinni

Tíu litlir negrastrákar...

2005-11-29T18:42:00.000Z

Komin aðventa, og tilla-beggi ekki búinn að skreyta, maður fer að halda að hann hafi selt jólaskrautið með húsinu? Kominn mikil jól á kárstígnum, ég beytti mínu mikla listræna innsæi á sunnudaginn þegar ég gerði mér lítið fyrir og breytti eldavélinni í aðventukrans, þ.e.a.s. sett eitt sprittkerti á hverja hellu. Mikið óskaplega væri ég til í að einhver sem ég þekki bjóði sig fram og gerist ráðskona(eða kall) hér meðan á jólaprófum stendur, hæfnin er ekki gífurleg.
Sæmilega fjárhagslega sjálfstæður einstaklingur, sem er þolinmóður, barngóður(ef biggi kemur í heimssókn), snöggur í gang á morgnanna, kann að búa til hafragraut, vekja mig, og svo náttúrulega þvo og þrífa óskast gefins. Ekki skemmir fyrir ef hann er svo fjárhagslega sjálfstæður að hann sér um matar innkaup og annað í eins og tvær vikur, þá kannski verður til matur.
En eitt að lokum, mjög stutt því ég held að soðningin sé til, eða svo gott sem.
hvar er aðventuljósið?? ég trúi einfaldlega ekki að það sé í sófanum.
sá sem fattar upp á því fær verðlaun...

Aðalskipulag

2005-11-21T20:26:00.000Z

Rétt í þessu var Elías mávur að henda hingað inn bunka af blöðum. Á blöðum þessum er verið að leita eftir því að fólk sem hefur lögheimili sitt í Árborg riti nafn sitt og kennitölu og mótmæli með því drögum að aðalskipulagi Árborgar. Í þessu skipulagi kemur fram að áætlað er að íbúafjöldi Eyrarbakka hækki upp í 800 á sama tíma og stokkseyringar verði 1000 og selfyssingar u.þ.b 11- til 10 þús. og að ekki megi byggja nema afar takmarkað á Eyrarbakka meðan hálfvitarnir á stokkseyri ætla sér að byggja blokk og vitfirrtu vitleysingarnir á selfossi ætla sér að byggja tvo 16 hæða turna.
Þeir sem vilja fræðast nánar um þetta geta nálgast upplýsingar og blöð til undirskriftar á kárastíg eða hjá heimilismönnum hans.
Mótmælendurnir

Tilkynning

2005-11-17T22:01:00.000Z

Fjarstýringarnar eru báðar fundnar, það voru Þórhildur og Ágústa sem hittu naglann á höfuðið.
Við höfðum þegar leitað í sófanum, eins og helga tók fram og ekki fundið neina fjarstýringu. Áðan ákvað ég þó að gera lokatilraun. Ég stakk hendinni alveg upp að öxlum ofan í sófann. Hvað haldið þið? Ég fann báðar fjarstýringarnar, nokkra penna og playmodót. Stúlkurnar í austur-Þýskalandi og í Bristol meiga því eiga von á því að fá glaðning á næstunni:)
Hefði samt verið mun ódýrara að þurfa bara að senda vinningin upp í grafarholt, en gaman að senda dót til útlanda samt:)
Er eitthvað sérstakt á óskalista?

Hildur fundvísa

Jólin byrja í Ikea

2005-11-15T19:12:00.000Z

Nú er undirbúningur jólaprófa hafinn. Ekki í formi lestrar samt.
Við skruppum í ikea áðan og keyptum 12 glös. Í prófum er ekki vaskað oft upp og er þá prinsippmál að eiga nóg af glösum.
Við keyptum líka margt fleira í búið þ.m.t. vænan bursta til klósettburstunnar, en fyrir henni fer mikið á heimili voru. Í þessum töluðu er svo dáyndissteik í ofninum og allt að gerast.
Einnig keyptum við gula, rauða og græna perur sem við ætlum að hafa til hátíðarbryggða í rússum hússins.
Merkilegt finnst mér hvað fólk er alltaf að hringja hingað á öllum tímum sólarhringsins og byðja um leigubíl, yfirleitt alltaf gamlar konur.
Þær segja yfirleitt: já góðan daginn, mig vantar bíl, við: já, þær: ég er (svo kemur eitthvað heimilisfang) er langt í hann. Við: ha, ég veit það ekki alveg. Þær: er þetta ekki BSR. Svo þegar þær hringja á mjög leiðinlegum tímum segjum við stundum þegar þær spyrja hvort langt sé í bílinn, nei hann kemur eftir c.a. korter.
En steikin er að bíða okkar svo að við segjum þetta gott í bili
Yfir og út
Þrælarnir

Fundarlaun!!

2005-11-14T22:01:00.000Z

Skrýtnir hlutir gerast í sífellu hér á Kára.
Það skrýtnasta er að sumir hlutir hverfa.
Helga kom til mín á laugardagskveldið síðasta og ætluðum við að hafa það mjög gott og horfa á dvd myndir og borða gotterí allt kveldið. Við höfðum fengið sendan glaðning frá dominos og kvöldið átti að hefjast. En hey...hvar er dvd fjarstýringin?
Hún var og er gjörsamlega horfin, við leituðum og leituðum, meira að segja í öllum herbergjum, undir rúmum, inni á baði, inni í eldhúsi, alls staðar. En ekki fannst hún og pizzan kólnaði á meðan.
Þegar ég fór að hugsa, mundi ég að snemma í september varð einhver var við það að fjarstýringin af græjunum inni í stofu væri týnd, hún er ennþá týnd.
Hvernig geta fjarstýringar bara horfið, geta þær gufað upp?
Sá sem er fundvís og finnur aðra eða báðar fjarstýringarnar, helst dvd fær skemmtileg fundarlaun. Svo má líka geta sér til um hvar þær eru fyrir þá sem eru ekki staddir á landinu og fá þeir sendan glaðning ef þeir hafa rétt fyrir sér.

En að öðru leiti var þetta bara góð helgi. Helga og Guðmundur tóku sig til fyrri part dags, töldu allar flöskurnar sem fylltu svalirnar, fóru með þær í sorpu og keyptu mat fyrir peningin. Þau eiga hrós skilið:)

Ýmislegt

2005-11-09T21:20:00.000Z

Nú er fokið í flest skjól. Þvílíkur og annar eins kuldi á einu heimili. Alltaf gífurlega gólfkalt og svona golluhiti hér inni eins og mundi kallar það og á þá við að þú verður að klæðast gollu innandyra. Við ættum kannski ekki að vera alltaf að opna út.

Martröð okkar beggja mun eiga sér stað á morgun, ARMBEYGJUPRÓF! Hvað er það, til hvers, hvers vegna þarf maður að taka ákveðið margar armbeygjur til þess að geta tekið stúdentspróf og komist í háskóla, getur einhver sagt mér það??
Við verðum bara að viðurkenna það að við getum ekki hlaupið tjarnahringi nægilega fljótt svo við slepptum því bara svo að nú gilda armbeygjuprófin 100%.
Þessi próf fara þannig fram að kennari setur hnefa í gólf undir þér og þú átt að láta brjóstkassan snerta hnefann eins oft og prófið segir til um og vera allan tíman eins og spíta. Ef armbeygjurnar eru ekki nægilega góðar er ekki talið og kemur þá sama talan oft upp t.d. einn, tveir, þrír, þrír, þrír, fjórir.

En nóg um það, uppþot urðu á austurvelli síðastliðin þriðjudag vegna styttingar náms til stúdentsprófs. Þar voru samankomin kennarar bekkjakerfisskóla, nemendur, fjölmiðlar og löggur. Það hefði þótt skemmtilegt ef upp hefðu komið hópslagsmál milli kennara og lögreglu. Fyndið hefði verið að sjá kennara kasta eggjum og hina ýmsustu kennara lærða skólans tuska löggurnar til.

Við erum að fara að hugsa um að læra um nokkrar bufferlausnir og brönsted-lowry, sjálfstæðisflokkin eldri, kosningarrétt, hannes hafstein og fleira skemmtilegt
Sæl að sinni
Þrælarnir

Uppgjör

2005-11-07T15:05:00.000Z

Nú er mál að reyna að gera upp helgina sem leið. Haldið var í sumarbústað á milli hverargerðis og selfoss. Nokkrar stúlkukindur höfðu ákveðið að eyða þar saman nokkrum stundum og hafa það skemmtilegt.
Helga átti afmæli síðastliðin mánudag og hófst helgin á nokkurs konar veislu þar sem etin var jólamatur, pakkar opnaðir og síðast en ekki síst kakan hans indriða borðuð sem smakkaðist vel. Nokkrir gestir kíktu í heimsókn og skelltu sér í pottinn eða sungu inn í stofu. Þetta tókst allt saman mjög vel og mun ég nú reyna að setja inn nokkrar myndir af reisu þessari.

Annars er bara voða lítið að frétta, gengur allt mjög vel og nú fer að styttast í jólapróf.

Bless í bili

Geðveiki?

2005-10-31T15:48:00.000Z

Það er nú svo skrýtið hvað manni getur dreymt og langar mig að deila hér með ykkur einum draumi.
Mig dreymdi um daginn að fjölskylda mín í móðurætt væri að halda ættarmót. Allir í fjölskyldunni áttu að koma nema ég. Ég mátti koma með því skilyrði að ég myndi klippa af mér alla puttana. Alla nóttina vorum svo ég og pabbi að hjálpast af við að skera af mér fingurnar með bitlausum hníf. Skrýtið
Benda má á það að sagt er að dreymi menn að þeir missi litla fingur eru þeir ættarskömm!

En nú verða allir eflaust glaðir. Ég er búin að klóra mig fram úr því hvernig í ósköpunum ég geti sett upp myndasíðu og nú er hún tilbúin.
Þessar fyrstu myndir eru svona familíumyndir af háeyrarvöllum og kárastígnum og myndir af þórhildi og guðmundi að spóka sig í útlöndum en kíkið endilega á
Bless Kex

Kvenlegt

2005-10-20T23:01:00.000Z

Nei, þetta gengur ekki, rakst á vísun í þetta blog á einhverri síðu þar sem hildur var ein titluð fyrir síðunni, sem er ekki gott. Það á reyndar alveg rétt á sér en hvað um það. Það kallar nú á smá jafnréttis raus, ég hlít að vera þolandi í þetta skiptið, ekki oft sem ég, sem og aðrir karlmenn fá það hlutskipti. Horfði á Sirrý á skjánum í gær, ekki gaman frá því að segja en Biggi var með svo það slapp(nei annars). Þar var ég titlaður sem gerandi, þ.e.a.s. það er, að hluta til, mér að kenna að unglings stúlkur borgi fyrir allan fjandan með kynlífi. Nú kom ég alveg að fjöllum, og var ekki alveg til í að gúddera þetta. Þarna voru einhverjar kerlingar að segja að vegna þess hvað ég og aðrir strákar af "minni" kynslóð værum, vegna Ron og Rocco, illa þenkjandi varðandi kynlíf og að skyldum ekki lengur út á hvað kynlíf gengi(sjit). Er það mér að kenna að 12-14 ára stelpur í rvk, og annarsstaðar beiti kynlífi til að komast í partý og aðra gleði hjá sér eldri mönnum? Var þeim aldrei kennt að segja nei, og fara bara með jafnöldurnum í tónabæ, eða útifyllerí eða eitthvað? Er það ekki svo að Ron og Rocco og fleiri eru til staðar í íslenskum verslunum og vídjóleigum? Stórlega dreg ég í efa að fólk á mínum aldri reki vídjóleigur... og eftir því sem ég best veit eru Larry, Hugh, Rocco, Ron og alli þessir gæjar ekki á mínum aldri. Jájá, ég veit að vinkonurnar sem allt vita sem voru hjá Sirrý voru ekki að tala til mín og Bigga en samt, ég er karl ég er á þessum aldri og væri ég þá partur af þessum hóp ef ég væri ekki saklaus drengur ú sjávarþorpi utan af landi heldur úr 105, maður spyr sig? Ég veit vel að þetta er hundleiðinlegt allt of langt nöldur um ekki neitt en þar sem ég finn ekki fokkíngs jöfnuritilinn í tölvunni hennar Hildar (ástæðan fyrir litlum skrifum mínum hér)nöldra ég frekar pirraður því ég get ekki klárað eðlisfræðiskýrsluna mína. En hvað um það... þar til næst (1500 á að það verði í janúar 2006)
Hann snerti bútinn
Mundi

Svolítið pirruð

2005-10-20T16:39:00.000Z

Sorry, ágú og tóta, en biðin er af hinu góða. Þið trúið þessu kannski ekki en við erum að reyna að búa til myndasíðu svo að húseigendur fái enn betri mynd af því sem gerist á heimili voru.
Ég var að komast að því fyrir skemmstu að ég klára jólaprófin 13. des og hef ég aldrei áður klárað svona snemma. Húrra.

Að lokum koma svo smá hugleiðingar.
Hvers vegna í ósköpunum er fólk á tvítugsaldri látið vera í leikfimi? Skipað að hlaupa hring í kringum tjörnina, látið hoppa og skoppa tvisvar í viku. Um þessar mundir eru íþróttapróf í gangi í skólanum. Við þurfum að fara í kollhnísa, tvo, handahlaup, standa á haus og fleira fáránlegt. Hvenær á þetta eftir að koma að notum, afhverju þarf ég að geta staðið á haus til að fá stúdentspróf? Algjörlega fáránlegt. Ég varla held jafnvægi standandi á jafnsléttu á báðum fótum hvað þá á haus. Hvenær gæti það nýst mér að geta farið í kollhnís?

Kveð í kútinn
Hildur

Hugleiðingar

2005-10-05T09:05:00.000Z

Þar sem ég þarf ekki að mæta í skólann fyrr en eftir hálftíma hef ég ákveðið að rausa svoldið.

Undafarna mánuði hef ég mikið verið að velta fyrir mér, og marga spurt, hvernig í ósköpunum ruslafólk kemst að ruslinu þegar það er læst inn í ruslageymslu.
Hugmyndir hafa komið upp um að þeir séu með lykla eða þá að einhver hleypti þeim inn á ákveðnum tíma á ákveðnum dögum. Á mörgum stöðum gengur sami lykill að íbúð og ruslageymslu og fannst mér það því ótrúlegt, líka finnst mér asnalegt að ruslaþjónusta Reykjavíkur sé með milljón lykla á kippunni sinni. Þar sem ég hef aldrei þurft að hleypa þessu fólki inn fannst mér síðari möguleikinn einnig afar ósennilegur.
Þessi hugsun ásótti mig mjög mikið um tíma en hún hafði svo vikið frá fyrir öðrum mikilvægum.Hún skaut svo aftur upp kollinum um daginn og viti menn ég fékk svar.
Þeir eru með milljón lykla, skrýtið.

En annað er það sem sækir á huga minn þessa daganna og ég hef ekki enn fengið svar við. Það er hvernig í ósköpunum er korktappa, sem er svona breiðari að neðan og með n.k. kúluhaus, eins og t.d. á kampavínsflöskum, komið á flöskuna??

Endilega komið með hugmyndir svo að ég geti farið að hugsa um eitthvað gagnlegra.
Minni líka á að nafnasamkeppnin er ennþá í gangi.
Bless kex

EFTIRSPURN

2005-10-03T23:58:00.000Z

LÝST ER EFTIR KOSNINGADJAMMI LAUGARDAGINN NÆSTKOMANDI (þó svo að ekki sé um merkilegar kosningar að ræða)

HILDUR OG BIGGI

Samkeppni

2005-10-03T18:39:00.000Z

Mundi er ekki ennþá búinn að bregðast við klukkinu, alveg hreint ótrúlegt.
En þar sem leigusalar okkar eru nú þegar eða um það bil að stinga af til útlanda, mun þessi síða þjóna þeim tilgangi auk annarra að leyfa þeim að fylgjast með sorg og sút jafnt sem gleði og kátínu á Kárastígnum og vona ég að meira fari fyrir því síðarnefnda. Titill þessarar síðu á því ekki lengur við þar sem við höfum sloppið úr þrælahaldi. Við munum því nú efna til nafnasamkeppni, þið eigið möguleika á því að koma með tillögur í kommentum. Við vonumst til þess að þáttaka í samkeppni þessarri verði góð.
Hingað til hefur allt gengið vel, fyrir utan það að ekki er búið að vaska upp síðan við vorum yfirgefin og einungis hefur verið borðuð pizza á heimili þessu og ískápsinnihaldið er ekki upp á marga fiska.
En jæja jæja nú er nóg komið af þessu og ég ætla að fara að læra undir jarðfræðipróf :(
Sæl að sinni

Klukk

2005-09-30T16:06:00.000Z

Jei Jei Jei, við erum komin með ADSL :) Þvílíkur lúxus! Ég hef víst verið klukkuð, svo hér koma fimm staðreyndir um mig.

1. Ég er ansi lá í lofti eða akkúrat 5 fet eða u.þ.b. einn og hálfur metri og hef því aðeins vaxið um meter frá fæðingu.
2. Ég á mjög erfitt með að vera í þögn og tala því yfirleitt mjög mikið.
3. Ég fyllist óstjórnanlegu stressi ef fleiri en 3 atriði eru á dagskrá.
4. Ég drekk meira kók en góðu hófi gegnir
5. Ég lendi ansi oft í óvenjulegum óhöppum

Þá er það komið og skora ég hér með á Túrillu töntu og Svönu til þess að klukka, gaman væri líka ef 5.S klukkaði :) Enn mest af öllu klukka ég hann munda sem á víst að sjá um að halda þessari síðu uppi með mér.

Raus

2005-08-19T11:09:00.000Z

Nú er ég komin heim eftir tvær vægast sagt frábærara vikur. Þetta voru mjög skemmtilegar vikur, ég þurfti ekkert að gera nema bara nákvæmlega það sem mig langaði til, sem var margt.
Nú er ég komin heim heil á húfi og skólinn byrjar á mánudaginn og því mörgu að sinna, s.s. kaupa bækur og flytja.
Nú eru Ágú og Lidda á Kára og munum við öll fjögur búa saman í mánuð sem verður án efa gaman. Fyrstu tvær vikurnar munum við þó búa með Finnskum draug. Gaman að prófa eitthvað nýtt :)
Næsta laugardag er svo menningarnótt (eins og svo margir vita)og mun það vera síðasta samnkoman fyrir veturinn og því upplagt að hitta gott fólk og gera upp sumarið.
En jæja ég þarf nú að fara að drífa mig í árlegan verslunarleiðangur í hinar ýmsustu bókabúðir höfuðborgar vorrar.
Bless í bili

Sumarið senn á enda

2005-08-02T21:51:00.000Z

Þjóðhátíð er búin og var hún frábær. Við vorum í íbúð með engu í og var hún í frekar lélegu ásikomulagi. Hún dugði þó vel og stemningin var gríðarleg í henni, sem og í dalnum.
Mér tókst að koma með allt heilt heim nema röddina, tel ég að hún hafi glatast um lágnætti á föstudegi.

Nú er það svo bara portúgal. Ég er búin að pakka og á ekkert eftir nema setjast upp í flugvél og koma mér í tveggja vikna gírinn. Er meira að segja orðin nokkuð spennt.

Stutt í þetta skipti
Ekkert rugl

Rausleti

2005-07-18T20:50:00.000Z

váá, við erum búin að vera í ansi löngu rausfríi. Nú þarf að sýna það og sanna að við erum nettengd á Eyrarbakka janft og í Reykjavík.

Nú er sumarið rúmlega hálfnað en ég nenni ómögulega að rifja upp liðna atburði og gera þetta löngu tímabæra blogg að einhverri langri upptalningu.
Sumarið hefur verið svona fljótt á litið hið ágætasta, vinna bara svona eins og vanalega og veðrið ekkert til þess að hrópa húrra fyrir.
Ég sakna svoldið Kára og þá sérstaklega spjallsins með kók og tilheyrandi í eldhúsinu. En eins og fram hefur komið fengum við útlendinga til þess að gæta hans í allt sumar.

En svona á döfinni í dag er margt. Aðallega þjóðhátíð sem mun bresta á í næstu viku. Djöfull verður það nú gaman. Við verðum sjö alein með íbúð og er það nú ekki verra.
Þegar heim verður komið tekur ekki verra við. Þá ætla ég svo að bregða mér í tvær vikur til portúgal og reyna að hafa gaman að.
Eftir tvær vikur af ýmiskonar lífsreynslu byrjar svo skólinn aftur í síðasta sinn:)
Þangað til næst
Bless Kex

Sven Ingvars?

2005-05-10T11:58:00.000Z

Reynum nú að hafa þetta innan skynsamlegra marka, ekkert bull lengur.
Þar sem það verður enginn hér á Kára í sumar hefur verið ákveðið að leigja hósílóið til handa nordjobburum. Þar sem við, að því er virðist, verðum endalaust í prófum. Gefst okkur ekki tækifæri á að hafa okkur á brott áður en innrás skandinavanna gengur í garð.
Þ.e.a.s þann 17. mun fjölga um s.s eina svie kvinne í hósiló. Hún mun vonandi taka virkann þátt í prófþrossa okkar og heimilisstörfum, ekki amalegt að vera með maid í prófum. Sérstaklega þar sem heimilisstörfin hafa sitið á hakanum í nokkuð langan tíma og eins glas reglan komin á.
Til þess að við séum sem best í stakk búinn til þess að skemmta þessum skandinava þætti okkur afar vænt um ef hægt væri að komast yfir eins og nokkra Sven Ingvars á geisladisk eða jafnvel teipi.
En hvað um það passið ykkur á myrkrinu og öllum tíndu glæpammönnunum.

p.s. ef glæpamenn eru ótíndir eru þeir þá í fundnir og komnir á hraunið?

NEFNDIN

4,9

2005-05-09T17:24:00.000Z

Fallinn með fjóra komma níu
eitt skelfilega skiptið enn
Fallinn, útskúfaður maður
er ég ekki eins og aðrir menn
Ég er að horfa út um gluggann minn
á alla þá sem fengu fimm
Og ég les og les
í sól og sumaryl
því ég verð að ná í næsta sinn
pabbi bandsjóðandi vitlaus
hann vill að ég verði nr. eitt
mamma sagði að það væri ekki að marka
ég gæti hvort eð er ekki neitt
ég er að horfa út um gluggann minn
á alla þá sem fengu fimm
og ég veit og ég veit
þeir gera gys að mér
því ég er fallinn í fimmta sinn.
Ég er að horfa út um gluggann minn
á alla þá sem fengu fimm
og ég les og ég les
í sól og sumaryl
því ég verð að ná í næsta sinn
Fallinn með 4.9 eitt skelfilega skiptið enn
Fallinn, útskúfaður maður
er ég ekki eins og aðrir menn.

NEFNDIN

í útilegu

2005-05-07T23:15:00.000Z

Tjaldið er komið upp í stofunni og verið er að verma grillið.Prímusinn yljar tjaldið. Húsbóndinn ber harðfiskinn á meðan húsfreyjan smyr flatkökur. Við seljum EKKI landbúnaðarvörur.
Það var einu sinni Norðmaður á Siglufirði með hníf!!
Djöfullinn maður, ég get aldrei farið á Billan aftur, eins og mér finnst það gaman.
Skapsveiflur minna á sinusfallið og geðveikin fer í fleygboga. Börnin fara í frispý við ylvolgan príusinn. Fallalallala ævintýri en gerast. Esjuna ber við sólroðin himininn. Ekkert er fegurra en vorkvöld í Reykjavík. Fleygboginn er neikvæður og topppunktur hans ansi hár.
Rauðsprungin augu og augnlokinn síga, en ekki má láta deigan síga né missa móðin því nóttin er ung. Þess í stað skal spretta á fætur og dansa. Bailando Bailando todo de la noche.
Rumpulýður gengur um stræti borgar vorar.
MAGELLAN VAR ÉTINN AF RUMPULÝÐ!!
Nú er okkur um og ó það er komið kaffi.
Ertu samt ekki bara öfundsjúkur af því að þú ert sköllóttur?
Maður spyr sig.
NEFNDIN

Komdu í Kántrýbæ

2005-05-07T16:08:00.000Z

Hnossenada,
Nýtt nýtt komin með nýtt sturtuhengi, opið til skoðunar á fimmtudaginn frá þrjú til hálf fjegur. Einnig er kominn nýr vatnslás en hann má ekki skoða, hins vegar skal upplýst að hann er úr krómi. Allt þetta var keypt í Byko. Eldra nýtt er sófasettið okkar, gormasófasett með vatnsrúmseinkennum. Það er ekki tilbúið til sýningar að svo stöddu. Allt í drasli gengið Heiðar og Margrét koma hingað í bítið á morgun og mun Vala koma hingað um lágnættið og taka út staðinn. Væntum við þess að húsbónda heimilisins verði um og ó, þekkist gamalt boð og mæti í settið hjá Sirrý og verði hjá henni komandi miðvikudagskvöld klukkan níu.
Þess má svo geta að þessi pistill er lýsandi fyrir húmorinn á Kárastígnum þessa dagana, dæmi hann hver fyrir sig
NEFNDIN

Mundi óttasleginn

2005-04-28T22:32:00.000Z

Nú er prófalestur hafinn, síðasti kennsludagur á morgun og próftafla tekur við á laugardaginn.
Við Mundi litli erum bara tvö í koti voru um þessar mundir sökum þess að hún Gústa skrapp á Ólafsfjörð að skrá fornleifar.
Við fengum þó einn gest í dag í eldhúsið sem olli því að Mundi flúði inn í stofu.
Ég var fjarri heimahögum þegar sá gestur kom í hús. Ég var í erindagjörðum með Bigga, Mundi hringdi voða stúrinn og spurði hvar við værum og hvort við værum ekki að fara að koma heim. Þegar við svo loks komum heim sat Mundi inn í stofu mjög óttasleginn og bað mið vinsamlegast að fara inn í eldhús og fjarlægja eina flugu sem hafði komið sér fyrir á gluggasillunni. Enginn var þó flugan og ætla ég að hún hafi verið jafnskelfd við að sjá Munda og Mundi við að sjá hana og flogið út.
Mikið kættist ég þó yfir því að hugsa um það að Guðmundur sé hræddur við flugur, ótrúlegt alveg. En allir hafa sinn djöful að draga og ætli hugleysi sé djöfull Guðmundar.

Hmm..

2005-04-17T22:34:00.000Z

Við höfum verið löt við að blogga en aldrei svona löt.
Það hefur margt drifið á daga mína frá því að ég bloggaði síðast og nenni ég ekki að rekja það í smáatriðum. Páskafríið kom og fór og var það fínt, móðir mín og faðir fóru til parísar og ég hélt upp á afmælið mitt, ég fékk taugaáfall ekki enn komin yfir það (vegna prófa). Annars er það ekki mikið sem ég hef upplifað síðastliðinn mánuðinn. Jú ég fór líka niður á Austurvöll og mótmælti skerðingu náms til stúdentsprófs. Ég skil ekki alveg hvað er að gerast í þessu menntamálaráðuneyti ég er farin að hallast að því að þau hafi öll dottið á höfuðið greyin.

Tóta og Matti nýttu sér páskana til þess að flytja upp í sveit og því er ég komin með eigið herbergi. Til að toppa allt er ég meira að segja komin með sér rúm :)
Ágústa er búin að vera á flandri um heiminn undanfarna daga og ætlar svo að flakka eitthvað meira svo að ég og mundi erum næstum bara tvö í heimili. Því mætti endurskýra þetta blog þar sem við erum ekki þrælar lengur.
Það eru nú aðeins 14 skóladagar eftir og þá hefjast prófin og að þeim loknum sumarfrí. Ótrúlegt hvað tíminn líður hratt.
Hef nú ekkert merkilegt að segja, geri þetta sumpart af skyldurækni.
Bless Kex

2005-03-03T21:41:00.000Z

Af stígnum hans Kára er allt gott að frétta.
Nú er framkvæmdunum lokið og eldhúsið orðið rosa fínt, búið að mála og leggja flísar á gólf. Splæst var í nýtt eldhúsborð og er nú morgunverðarhlaðborð á hverjum degi og meira að segja miðdegiskaffi ef vel liggur á fólki. Þeir sem ekki hafa séð þetta eldhús sem er vel Völu Matt bjóðandi verða nú að fara að bæta úr því :)
Þeir sem lagt hafa leið sína á Kárastíg á undanförnu misseri hafa af öllum líkindum orðið varir við það að dyrabjalla vor virkar ekki sem skyldi. Reynt hefur verið að ráða fram úr þessum vanda og fagmaður fenginn í verkið.
Fagmaður þessi kom hér á miðvikudagskveldið og beytti öllum sínum ráðum, hann kláraði ekki verkið og ákvað að koma aftur síðar. Það undarlega við þetta var að hann fiktaði eitthvað í rafmagninu með þeim afleiðingum að sjónvarpið datt út. Hafði þetta hræðilegar afleiðingar þar sem allt heimilisfólk hafði safnast fyrir saman sjónvarpið og var í miðjum æsispenandi queer eye þætti. Ótrúlegt að dyrabjallan og sjónvarpið tengist.

En nú líður að vori og ekki langt í páskafrí sem býður upp á fjöldan allan af nýjum ævintýrum og skemmtilegum atburðum. Prófataflan er komin upp og byrjum við í prófum þann 30. apríl en það vill svo ótrúlega til að það mun vera laugardagur.
Hvar er stéttarfélag nemenda sem sér um að ekki verði brotið á þeim. Laugardagar eiga að vera frídagar og er það ekkert annað en hneysa að hafa próf á laugardegi. Hvað ef ég væri aðventisti sem ekki mætti taka próf á laugardegi?

2005-02-07T15:19:00.000Z

Vá, nú kom Guðmundur mér aldeilis á óvart og efa ég að ég hafi verið sú eina. Gott framtak mundi minn. Enn einu sinni er kominn mánudagur og það gerir það að verkum að maður starfar tvöfallt hægar en aðra daga. Er núna að horfa á endursýningu úrslitaleiks HM í handbolta, spánverjar vinna hann eftir 20 sek með yfirburðum.
Þessi vika verður nú voða þægileg, hún er einungis 3 dagar og á morgun þarf ég bara að fara í 3 tíma og þar af einn danstíma. Eintóm gleði. Á fimmtudaginn er nefninlega árshátíð í skólanum og í tilefni hennar er frí fimmtudag og föstudag :)
Svo styttist óðum í það að hún Þórhildur komi heim frá útlandinu og komi heimilislífinu í samt lag og færir ljós inn í skammdegið, mikið hlakka ég til.
Ég er farin að halda að Tóta og Matti séu bara að gabba okkur, þau eru örugglega ekkert að fara að flytja og 1. maí koma þau og segja "TEKIN". Þau eru allaveganna ekki enn flutt.
Síðasta helgi var fremur róleg og góð og kvarta ég ekki undan henni.
Næstu helgi verða svo hinir sívinsælu músikantar Gvendur og Eiki að þeyta skífum á rauða og spurning um hvort að það sé ekki bara ágætis upplyfiting að hlýða á þá. En nú er hafin glíma í sjónvarpinu sem sjálsagt leiðinlegasta sjónvarpsefni sem hægt er að bjóða upp á ásamt skák og maður er nefndur en ætli maður láti sig ekki hafa það að horfa.
Þangað til næst
Bless Kex

Hið ótrúlega gerist enn!!

2005-02-04T14:43:00.000Z

Jæja komið´öll blessuð og sæl; smá Jón ársæll.
En allavega nú ætla ég að koma Hildi og sjálfsagt flestum öðrum á óvart með því að blogga sjálfur og ótilneyddur í þokkabót.
Já, danska féll niður svo ég fékk extra 45 mínútur í í helgarfrí sem er gott, hildur slapp líka fyrr en þó á eftir mér, hún er á leið heim. Þetta er reyndar bara eitthvað hjal sem enginn nennir að lesa.
En ég veit ekki hvort ég nenni að skrifa eitthvað um þetta þorrablót, bæði því ég er orðin sá seinasti til þess og að mínar heimildir um það eru kannski ekki þær bestu, en duga þó.
Manchester heldur þessu áfram, flengiir Arsenal, og Liverpool vinnur Charlton, það er allt í gangi þessa vikuna, einn tveir og bingó maradonna.
En svona í alvöru hvað heldur Bill Gates eiginlega að hann sé, ég komst bara að því áðan að það er bara búið að henda mér útaf msn og hotmail, sjálfsagt átti ég bara svona marga vini, annað getur eiginlega ekki verið. En ég gekk síðan bara í málið og bjargaði hlutunum. Og svo hann Billi geti ekki reynt eitthvað svona og sagt að ég noti msnið of lítið þá hef ég ákveðið að hafa viðtalstíma á msn milli 09:40 og 11:02 alla föstudaga, og endilaga sendið mér eitthvað á hotmailið mitt fæ ekkert þangað nema frá einhverri voðalega einmanna olgu sem býr í moskvu en neitar að tala við mig nema að ég segi henni vísa-kortanúmeriðmitt, sem er afar erfitt því ég á ekki vísakort, ég sver það olga! En bakkinn kallar og aldrei að vit nema að maður fara að gera þetta oftar.
Birt með fyrirvara um stafsetningarvillur.
kveðja, Mundi.

Erum á lífi

2005-01-22T15:45:00.000Z

Það er orðið ansi langt síðan að við höfum hent hingað færslu og því komin tími til.
Árið 2005 hefur verið fínt hingað til. Fullt að gera í skólanum og allt gengur sinn vanagang.
Verður þó ekki lengra að sinni.

Gleðileg jól

2004-12-30T14:52:00.000Z

Gleðileg jól gott fólk. Jólin hafa verið afar góð og mikið sofið, borðað og spilað.
Það er alveg frábært að vera í jólafríi en brátt tekur það enda, tæp vika eftir.
Þetta er allt svo helvíti fljótt að líða, ég er gersamlega búin að snúa sólarhringnum við og á mjög erfitt með að vakna fyirir fjögur á daginn, það getur ekki verið gott.
Í kvöld er svo kveðjupartý fyrir útvaldna hjá Lilju sem er að flytjast til Danmerkur og svo bjórflóð. Á morgun er svo mjög skemmtilegur dagur, gamlársdagur, gott sjónvarp, nægur matur, allir glaðir og skemmtannir. Ég er jafnvel að hugsa um að skella mér á ball með bjórbandinu ef fjárhagur leyfir. En allt kemur þetta í ljós á morgun.
Gleðilegt nýtt ár allir og takk fyrir það liðna :)

Jólafrí

2004-12-18T18:19:00.000Z

Jæja gott fólk, nú er þessum prófum loks lokið, þau kláruðust á miðvikudaginn. Í tilefni þess var tekið vel á því í gærkveldi og var það bara hið ágætasta mál. Ég tók nú reyndar smá forskot á sæluna og fór á sálarball helgina fyrir eðlisfræðipróf, sem var nú kannski ekkert mjög sniðugt.
Á mánudaginn kemur svo í ljós hver uppskera erfiðisins verður. Á mánudaginn er svo jólaball skólans á nasa með pöpunum, finnst svoldið fyndið að fara á ball á mánudegi.

Nú sit ég hér í holu minni á Kárastíg og bíð þess óþreyjufull að hún Þórhildur mín komi heim, en það á einmitt að gerast einhverntíma seinni hluta kveldsins.