Líður að jólum:)

Mér brá heldur betur, er ég skömmustulegur læddist yfir Hraunsá og gætti þess að enginn sæi mig og sá þá glytta í jólaseríur og aðventuljós í nokkrum gluggum!!
Þetta er hin mesta hneysa.
Einnig tók ég eftir í síðustu viku að Gvendur á Sandi er komin á nýjan bíl og var þar um að ræða gráa Hondu CR-V en ekki þurfti ég að ana yfir Hraunsá til þess að komast að því.
Margt gerðist markvert um síðustu helgi t.a.m. singstar afmælispartý hjá Tótu á Kárastíg 1 þar sem hálffimmtugsafmæli Tótu var fagnað. Mikil var mannmergðin í því samsæti og þó var feyknargaman.
Eftir sþamsætið skunduðu Eyrbekkingar niður á Austurvöll þar sem í annað samsæti var komið. Þar höfðu bakkamenn sett saman þríhyrning bekkja og ræddu þar um heima og geima.
Þar fyrir utan hefur fátt markvert skeð annað en það að nú er skólinn byrjaður og það er aftur orðið kalt á Kárastígnum.
Kv. mundi

Komin aftur

Ég ákvað að blogga smá eftir að hafa verið sökuð um bloggleti á síðu Eiríks.
Ég er nú löngu komin heim og lífið farið að ganga sinn vanagang aftur.
Tók því bara rólega fyrstu dagana og skellti mér svo á þjóðhátíð og ekki var það nú leiðinlegt. Gerði svo máttleysislega tilraun til þess að koma efnahagnum í lag með vinnu í Alpan í nokkra daga en sá fljótlega að það var ekki að virka og er nú komin í sumarfrí.

Annars er ekkert nýtt í fréttum, menningarnótt framundan þar sem Egó mun stíga á stokk.
Umrætt kveld fer ég líka í eina afmælisveislu á ekki lakari stað en Kárastíg. Verður eflaust allt saman mjög gaman.

Skólinn byrijar svo aftur á mánudaginn, það hefur svosem sína kosti og galla.

Veit ekki hvort að það líði jafn langt fram að næstu færslu en vona ekki.
Kannski Mundi verði aðeins duglegri við þetta.