baraþað'xþpksr´,oafa

þerpksemgetapksöiwlð'xþþettaþeruþpksnöiwllöiwngarþþað'xþheltpkstnefnnlegaþ´,oopksþnöiwð'xurþ´,aþtöiwlvunaþt´,oataþnöiwllöiwngurþgerð'xþþað'xþöiweöiwnhverjubr´,er´,öiwöiw.nennöiwepksöiwað'xlæ
raundrþdöiwnpkspksupksr´,ofþogguð'xmundurnennöiwrþepksöiwað'xlæ
raþundrtærð'xfræ
ð'xöiwpksr´,of´,´,heheheþpks´,opkstöiwlvanþmöiwpkslaæ
bæ
bæ
gjöiwrpksamlegabunað'xmöiwpkspksamgæ
höiwldurogmundöiw

Mikilvæg lykilatriði

Jæja nú er þetta hafið. Fyrsta prófið var i dag, ég fór í próf í íslenskri ritgerð. Heppnin var með mér vegna þess að eitt af efnunum sem mátti velja um var "Fjölmiðlar". Ég valdi það og er nú búin að sitja í prófi í allan dag að rita niður staðreyndir og pælingar um þetta blessaða frumvarp. Eftir því sem ég velti þessu meira fyrir mér verð ég meira og meira hlynt þessu en þykir þá Heimdallur hafa nokkuð til síns máls. Heimdallur tók afstöðu á móti þessu vegna skerðingar frelsis. Fyrir þá sem sjá ekki kosti þessa frumvarps þá varpa ég hér fram 10 lykilatriðum verði frumvarpið að lögum

1. Lögin eru almenn, beinast ekki gegn einhverjum tilteknum fyrirtækjum. Vegna mikilvægis fjölmiðla fyrir almenning er eðlilegt að setja sérlög um starfsemi þeirra, rétt eins og sérlög eru sett t.d. um starfsemi fjármálafyrirtækja.

2. Markmið laganna er að tryggja eðlilegt umhverfi fjölmiðla á Íslandi.

3. Lögin koma í veg fyrir að fyrirtæki í markaðsráðandi stöðu geti átt fjölmiðla.

4. Markaðsráðandi fyrirtæki þurfa strangt aðhald fjölmiðla. Slíkt aðhald verður ekki trúverðugt ef meirihluti fjölmiðla er t.d. að stærstum hluta í eigu markaðsráðandi fyrirtækis.

5. Prentmiðlar og ljósvakamiðlar geta ekki verið á sömu hendi, það tryggir jafnvægi á fjölmiðlamarkaði og er sambærilegt við reglur sem gilda víða erlendis.

6. Hámarkseign (25%) tryggir dreifða eignaraðild að ljósvakamiðlum.

7. Málsmeðferð ríkisstjórnarinnar er eðlileg og sú sama og við önnur viðamikil mál.

8. Alþingi fær nægan tíma til að ræða frumvarpið. Þingstörfum lýkur ekki fyrr en Alþingi hefur tekið allan þann tíma sem þurfa þykir til að afgreiða málið.

9. Erlendis eru margskonar reglur sem stjórnvöld setja um fjölmiðlamarkaðinn. Þeim er ætlað að tryggja lýðræðislega umræðu og að fjölmiðlar sinni hlutverki sínu.

10. Ef ljósvakamiðlar eru rekstrarhæfir og geta skilað eigendum sínum eðlilegum arði, þá ætti ekki að verða skortur á fjárfestum til að koma í stað þeirra fyrirtækja sem sökum markaðsráðandi stöðu sinnar mega ekki eiga í ljósvakamiðlum.

Ég vona nú samt að það verði enginn anstæðingur þessa frumvarps sem fer yfir prófið mitt.

Næsta próf á dagskrá er svo studentspróf í dönsku sem verður á mánudaginn og nú verður maður að tala dönsku alla helgina og liggja yfir dönskubókum eins lengi og geðheilsan leyfir

Jæja nú hef ég endanlega fengið sönnun á því að strætó kemur frá helvíti. Ég og Mundi fórum til Bigga í dag til þess að læra. Þegar líða tók á kvöldið þurftum við svo að fara að koma okkur heim og hugðumst taka strætó. Við vorum svo lengi að telja í okkur kjark til þess að við misstum af honum og ákváðum því að taka næsta. Þegar í strætóskýlið var komið vantaði klukkuna þrjár mínútur í brottför og við bjuggumst við vagninum á hverri stundu. Svo var hann orðinn fimm mínútum of seinn, tíu mínútum og svo loks korteri. Það fór að renna á okkur tvær grímur og við orðin ansi hrædd um að þurfa eyða nóttinni í strætóskýli. En loksins sáum við þetta gula ferlíki í fjarska. Þegar hann var svo alveg að koma og við komin með klinkið í hendur dó helvítis strætóinn. Ja hérna hér ansi áreiðanlegt þetta kerfi. Hann komst þó loks til okkar og við borguðum morðfé til þess að komast heim. Hann fór samt ekki af stað heldur dó hann aftur....og aftur. Svo loksins drattaðist hann af stað og tók 45 min rúnt um úthverfi Reykjavíkur.
Ég er að hugsa um að kaupa mér bara símaskrá og þá get ég notað kortið í henni til þess að ganga allar mínar leiðir.
En þetta er nú ansi mikið raus allt saman en ég verð einhversstaðar að fá útrás fyrir reiði mína.
Síðasti skóladagurinn á morgun veii loksins. Allt hefur verið með rólegasta móti síðustu daga fyrir próf og yfirleitt meira stress heima fyrir en í skólanum. Svo styttist í að maður flytjist aftur austur fyrir fjall og fari að vinna baki brotnu hjá bæjarfélaginu Árborg, það er nú virkilega spennandi verkefni.

Fjölmiðlafrumvarpið

Svei mér þá alla mína daga, nú er allt að verða vitlaust á Alþingi.
Þetta frumvarp sem er búið varpa fram er ansi umdeilt þessa daganna í þjóðfélagi okkar. Ég hef nú ekki myndað mér neina skoðannir á þessu máli. Mér finnst nú samt svoldið fáránlegt að setja lög sem aðeins einn maður verður fyrir. Svo er önnur hlið á málinu er ekki grundvöllur fyrir þessum lögum. Flestir eru þeirrar skoðannar að ef þeir vilja traustar fréttir lesa þeir morgunblaðið en ekki fréttablaðið eða DV. Fréttablaðið og DV eru nefninleg lituð blöð og eigendur þeirra eiga mikilla hagsmuna að gæta í íslenskri pólitík.
Mér finnst þetta nú samt ekki mjög málefnalegt hjá Davíð að ljúka annars ansi góðum ferli sínum með þessum hætti. Viss hroki fellst í þessu öllu og mér finnst að það ætti að hafa verið betur að þessu staðið.
En ég er nú ekki viss um að þetta komist í gegn. Vinstri grænir hafa ekki ennþá mælt þessu í mót (ótrúlegt en satt), frjálslyndiflokkurinn er þessu fylgjandi en vill skoða þetta betur og framsókn er samþykkur. Mín skoðun er samt að það sé helst Davíð sem er að pressa þetta í gegn og þar sem hann stígur af stóli í haust mun þetta jafnvel ekki nást ef þetta gengur ekki í gegn fyrir þinglok.
Venjulegum þingtíma líkur næstu helgi en það er í umræðunni að lengja þingið um 10 daga.
Ég tel þetta nú samt ekki vera tilgangslaust og aðeins persónuárás á Jón Ásgeir því að mér finnst ekki sniðugt að sami maður geti notað svona stórt hlutfall af fréttamiðlum landsins sér í hag.
En að sama skapi finnst mér þetta vera svoldið skref aftur á bak í sambandi við frelsi í landinu.

Daglegt amstur

Þessi helgi var alveg hin ágætasta þó svo ekki hafi mikið farið fyrir skólabókum. Við vorum bæði munaðarlaus þessa helgi en leiddist þó ekki vegna þess að við eigum mikið af ágætis vinum sem komu og heimsóttu okkur og héldu okkur félagsskap. Nú er veturinn að klárast, síðasti vetrardagur er á miðvikudaginn og þess vegna er þessi vika einungis fjórir daga, guði sé lof fyrir það. Ég er nú samt í smá vandræðum. Þannig er mál með vexti að ég er búin að lofa Ágú págú að gefa henni múrskeið í sumargjöf en Ágústa er svo sérvitur að hún vill bara múrskeið pantaða úr útlandinu sem kostar morðfé. Ég er semsagt runnin út á tíma en ef einhver á gamla múrskeið sem lítur svoldið útlenskulega út þá skal ég með glöðu geði kaupa hana til þess að redda mér úr þessum vanda. Sorry Ágú mín ég bara gleymdi þessu.
En nú styttist óðum í próf og allir bíða eftir stressinu til þess að geta komið sér af stað. Það virðist ætla að koma á síðustu stundu. Við erum búin að hengja upp niðurtalningu og það eru einungis 30 dagar í sumarfrí. Það er nú ekki svo langt. Ég held að Þórhildur hafi tekið allan lærdómsandann í húsinu með sér til Finnlands og bið ég hana hér með að skila þó ekki væri nema hluta af honum. Það er örugglega hægt að senda hann með pósti.
Annars á hún Ása afmæli í dag hún er orðin 17 ára stúlkan og búin að kaupa sér voða fínan bíl. Hún sótti mig og Guðmund áðan og rúntaði aðeins með okkur og höfðum við bara gaman af. Til hamingju með afmælið, bílinn og bílprófið Ása mín.
Ég biðst velvirðingar á því hvað hann Mundi litli er latur við að blogga ég reyni að berja hann áfram en ekkert gengur. Vonandi sér hann nú samt að sér

Erfitt að vera duglegur

Jæja, nú eru páskarnir búnir og maður pakksaddur eftir páskaeggið. Aðalatriðið í páskaeggjunum er samt málshátturinn. Þetta árið fengum við málshættina, þeir missa sem eiga og oft má satt kyrrt liggja. Ótrúlegt hvað tíminn flýgur áfram þegar maður á að vera að gera eitthvað. Í fríinu átti maður að liggja yfir bókum en ég held að hvorugt okkar hafi svo mikið sem opnað bók. Sú nöturlega staðreynd þýðir það að nú höfum við bæði hið mesta samviskubit. Við ætlum því að bregða okkur austur fyrir fjall um helgina og reyna að bæta úr þessum vanda. Þessa helgi munum við nefninlega hafa tvo kofa alveg út af fyrir okkur þar sem foreldrar okkar fengu nóg af okkur í páskafríinu og ætla því að bregða sér í orlof yfir helgina. Annars er það helst að frétta að hann Pálmar, sem gengur einnig undir nafninu Bára, varð átján ára í gær og óskum við honum innilega til hamingju með það.

Jæja nú er orðið ansi langt síðan maður hefur rausað. Páskafríið hefur verið fínt til þessa og ný ævintýri á hverju kveldi. Ég er gjörsamlega búin að snúa sólarhringnum við og ekki búin að líta í bók, æææ. Það hefur nú samt margt verið bardúsað í þessu fríi. Ég fór í óvænta afmælisveislu, fór á ball, í bíó og festi mig út á sandi (var samt bara farþegi). Í kvöld er ég svo að hugsa um að kíkja á Rauða húsið þar sem lopapeysurnar, (mundi og bára) munu þeyta skífum. Þegar því er lokið ætla ég að vona að maður sé bara búin að gera allt og ekkert eftir nema að læra.
Ég er líka búin að fá atvinnutilboð í Álandseyjum í sumar, það er samt ekki öruggt. Mér hefur verið boðin vinna hjá Mariehamn commune við svona ýmis konar garðavinnu í nokkrar vikur í sumar. Vonandi að það gangi allt saman upp.